ରାଞ୍ଚି:ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ ଏବଂ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ମଧ୍ୟରେ ଦିନକୁ ଦିନ ଜଟିଳ ହେଉଛି ସମସ୍ୟା । ବାରମ୍ବାର ସମନ ସତ୍ତ୍ବେ ଆସୁନାହାନ୍ତି ମୁଖ୍ୟମନ୍ତ୍ରୀ ସୋରେନ । ମୁଖ୍ୟମନ୍ତ୍ରୀ ହେମନ୍ତ ସୋରେନ ଜମି ଘୋଟାଲା ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟର 7ଟି ସମନକୁ ଅଣଦେଖା କରିଚାଲିଛନ୍ତି । ଇଡି 2 ଦିନ ମଧ୍ୟରେ ମୁଖ୍ୟମନ୍ତ୍ରୀ ସୋରେନଙ୍କୁ ପଚରାଉଚୁରା ସହ ବୟାନ ରେକର୍ଡ କରିବା ପାଇଁ ସ୍ଥାନ ଓ ସମୟ ଜଣାଇବାକୁ ଏକ ପତ୍ର ମାଧ୍ୟମରେ ଜଣାଇଥିଲେ । ଯାହାକୁ ମୁଖ୍ୟମନ୍ତ୍ରୀ ସୋରେନ ଏଡାଇ ଦେଇଥିଲେ । ଯାହା ଉଭୟ ମୁଖ୍ୟମନ୍ତ୍ରୀ ଏବଂ ଇଡି ମଧ୍ୟରେ ତିକ୍ତତା ବଢାଇଛି ।
ଗୋଟିଏ ପଟେ ଏହି ମାମଲାକୁ ନେଇ ମୁଖ୍ୟମନ୍ତ୍ରୀ ଆଇନଗତ ପରାମର୍ଶ ନେଉଥିବା ବେଳେ ଅନ୍ୟପକ୍ଷରେ ଇଡି ମଧ୍ୟ ଆଗାମୀ କାର୍ଯ୍ୟାନୁଷ୍ଠାନ ପାଇଁ ଯୋଜନା କରୁଛି । ୬ ଥର ସମନ ପଠାଇବା ସତ୍ତ୍ବେ ନ ଆସିବାରୁ ଇଡି ମୁଖ୍ୟମନ୍ତ୍ରୀ ସୋରେନଙ୍କୁ ବଡଗାଇ ଜମି ଘୋଟାଲା ମାମଲାରେ ବୟାନ ରେକର୍ଡ କରିବା ପାଇଁ ୩୧ ଡିସେମ୍ବର ଯାଏଁ ଡେଡଲାଇନ ଦେଇଥିଲା । ଏଥିସହ ତାଙ୍କୁ ସ୍ଥାନ ଏବଂ ସମୟ ସ୍ଥିର କରିବାକୁ ମଧ୍ୟ ଚିଠି ଲେଖିଥିଲା ଇଡି ।
ଏହା ମଧ୍ୟ ପଢନ୍ତୁ...ଇଡି ସମନକୁ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ କହିଲେ କେଜ୍ରିୱାଲ, ଆଜି ହେବେନି ହାଜର