ପାଟନା: ବିହାରରେ ପ୍ରଥମ ପର୍ଯ୍ୟାୟ ନିର୍ବାଚନ ଚାଲିଥିବାବେଳ ଦରଭଙ୍ଗାରେ ରାଲି କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେ ଦରଭଙ୍ଗାର ଐତିହାସିକ ରାଜ ମୈଦାନରେ ନିର୍ବାଚନୀ ସଭାରେ ଜନତାଙ୍କୁ ସମ୍ବୋଧିତ କରିଛନ୍ତି । ତାଙ୍କ ସହିତ ମୁଖ୍ୟମନ୍ତ୍ରୀ ନୀତିଶ କୁମାର ମଧ୍ୟ ଉପସ୍ଥିତ ରହିଥିବା ଦେଖିବାକୁ ମିଳିଛି ।
ପ୍ରଥମେ ମିଥିଳା ଭୂମିକୁ ମୋର ପ୍ରଣାମ କହି ନିଜ ଅଭିଭାଷଣ ରଖିଛନ୍ତି ପ୍ରଧାନମନ୍ତ୍ରୀ । ପରେ ବିହାର ମୁଖ୍ୟମନ୍ତ୍ରୀ ମୋ ବନ୍ଧୁ, ମୋ ଭାଇ ନୀତିଶ କୁମାରଙ୍କୁ ଆପଣଙ୍କ ଆଶୀର୍ବାଦ ନିଶ୍ଚୟ ମିଳିବ ବୋଲି ମୋର ବିଶ୍ବାସ ଅଛି । ମଧୁବନୀ, ସମସ୍ତୀପୁରରୁ ଆପଣ ସମସ୍ତେ ଆଶୀର୍ବାଦ ଦେବାକୁ ଆସିଛନ୍ତି । ଆପଣ ମାନେ ଡିଜିଟାଲରେ ବି ଯୋଡି ହୋଇଛନ୍ତି । ଆପଣଙ୍କ ସଙ୍କଳ୍ପକୁ ମୁଁ ପ୍ରଣାମ କରୁଛି ବୋଲି କହିଛନ୍ତି ମୋଦି ।
ସେହିପରି ଆଜି ପ୍ରଥମ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହେଉଛି । ସେଠାରେ ସମସ୍ତେ କୋରୋନା କଟକଣା ମଧ୍ୟରେ ମତ ସାବ୍ୟସ୍ତ କରନ୍ତୁ ବୋଲି ମୋଦି କହିଛନ୍ତି । ଏହାସହ ଅନେକ ସାଥୀ କୋରୋନାରେ ଆକ୍ରାନ୍ତ ହୋଇଛନ୍ତି । ସେମାନେ ଶୀଘ୍ର ସୁସ୍ଥ ହୁଅନ୍ତୁ ବୋଲି ପ୍ରଧାନମନ୍ତ୍ରୀ ପ୍ରାର୍ଥନା କରିଛନ୍ତି ।