ନୂଆଦିଲ୍ଲୀ: ଥମୁନି ଜେଏନୟୁ ଛାତ୍ର ଅସନ୍ତୋଷ। ଦିନକୁ ଦିନ ଏହି ବିବାଦ ଉଗ୍ରରୂପ ନେବା ସହ ଛାତ୍ରଛାତ୍ରୀଙ୍କ ମଧ୍ୟରେ ପ୍ରତିକ୍ରିୟା ବୃଦ୍ଧି ପାଇଛି। ଏହି ଘଟଣାରେ ମାଡଗୋଳ,ଭଙ୍ଗାରୁଜା ଓ ନାରାବାଜି ପରେ ସୋମବାର ସଂସଦ ପରିସର ବାହାରେ ମାର୍ଚ୍ଚ କରି ବିକ୍ଷୋଭ କରିବାକୁ ସ୍ଥିର କରିଛନ୍ତି ଛାତ୍ରଗୋଷ୍ଠୀ।
ଗଣଶିକ୍ଷାର ସୁରକ୍ଷା ପାଇଁ ଏହି ପଦଯାତ୍ରାର ଆୟୋଜନ କରାଯାଇଛି। ଏହାସହ ସାଂସଦଙ୍କୁ ଘଟଣା ବିଷୟରେ ଅବଗତ କରାଯିବ ବୋଲି ଜେଏନୟୁ ଛାତ୍ର ଗୋଷ୍ଠୀ କହିଛି। ତେବେ ଚଳିତ ବର୍ଷର ସଂସଦର ଶୀତ ଅଧିବେଶନ ନଭେମ୍ବର 18ରେ ଆରମ୍ଭ ହୋଇ ଡିସେମ୍ବର 13ରେ ଶେଷ ହେବ। ଜେଏନୟୁ ଛାତ୍ରଛାତ୍ରୀ ବିଶ୍ବବିଦ୍ୟାଳୟରେ ପ୍ରଶାସନିକ ବିଭାଗ ଆଗରେ ବିକ୍ଷୋଭ କରୁଛନ୍ତି।