ନୂଆଦିଲ୍ଲୀ: ଆଗାମୀ 2024 ରେ 35ଟି ଲୋକସଭା ଆସନ ଦିଅନ୍ତୁ । 2025 ପୂର୍ବରୁ ମମତା ବାନାର୍ଜୀ ସରକାର ପତନ ହେବ । ରାମ ନବମୀରେ ଆଉ ହିଂସା ହେବ ନାହିଁ । ବଙ୍ଗାଲରେ ବୋମା ଫୁଟିବ ନାହିଁ । ଶାନ୍ତି ପ୍ରିୟ ପଶ୍ଚିମବଙ୍ଗରେ ଭାଇଚାରାକୁ ସୁଦୃଢ କରିବା ପାଇଁ ଏକ ସ୍ବଚ୍ଛ ସରକାର ଆବଶ୍ୟକ । ଦିନିକିଆ ପଶ୍ଚିମବଙ୍ଗ ଗସ୍ତରେ ଯାଇ ମମତାଙ୍କ ଗଡରେ ଏଭଳି ଗର୍ଜିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ ।
ଏହାବି ପଢନ୍ତୁ -Rahul Bungalow: ଘର ଖାଲି କଲେ ରାହୁଲ, ଟ୍ରକ ଲଗେଇ ବୋହିଲେ ସାମଗ୍ରୀ
ଆଜି ଗୃହମନ୍ତ୍ରୀ ଅମିତ ଶାହ ପଶ୍ଚିମବଙ୍ଗ ବୀରଭୂମ ଜିଲ୍ଲାରେ ନିର୍ମିତ ଦଳୀୟ କାର୍ଯ୍ୟାଳୟକୁ ଉଦଘାଟନ କରିଥିଲେ । ପରେ ସିଉଡିରେ ଆୟୋଜିତ ଏକ ଜନସଭାକୁ ସମ୍ବୋଧିତ କରି ଶାହ କହିଥିଲେ, ‘‘ଆଗାମୀ 2024 ରେ ପ୍ରଧାନମନ୍ତ୍ରୀ ମୋଦି ପୁଣି ଥରେ ପ୍ରଧାନମନ୍ତ୍ରୀ ହେବେ । ଏଥିପାଇଁ ବଙ୍ଗାଲବାସୀଙ୍କ ଆଶୀର୍ବାଦ ଜରୁରୀ । ବଙ୍ଗଲାବାସୀ ବିଧାନସଭାରେ 77 ଟି ଆସନରେ ଆଶୀର୍ବାଦ ଦେଇ ବିଜେପିକୁ ବଡ ଦାୟିତ୍ବ ଦେଇଛନ୍ତି । ପୁରା ବଙ୍ଗାଲର ସୁରକ୍ଷା, ସମୃଦ୍ଦି ଓ ସମ୍ମାନ ହେଉଛି ବିଜେପିର ଦାୟିତ୍ବ । ରାଜ୍ୟବାସୀ ବିଜେପିକୁ 2024 ରେ 35 ଟି ଲୋକସଭା ଆସନ ଦିଅନ୍ତୁ । 2025 ପୂର୍ବରୁ ମମତା ଦିଦି ସରକାରର ପତନ ହେବ । ରାମ ନବମୀରେ ଆଉ ହିଂସା ହେବ ନାହିଁ । ବଙ୍ଗାଲରେ ବୋମା ଫୁଟିବ ନାହିଁ । ବଙ୍ଗାଲରେ ମମତା ଦିଦିଙ୍କ ଦାଦାଗିରିର ମୁକାବିଲା ପାଇଁ ବିରୋଧୀ ଦଳନେତା ଶୁଭେନ୍ଦୁ ଅଧିକାରୀ ଲଢେଇ କରୁଛନ୍ତି । ଶୁଭେନ୍ଦୁଙ୍କ ହାତକୁ ଟାଣ କରିବାକୁ ଆହ୍ବାନ ଦେଇଥିଲେ ଶାହ ।