ହାଇଦ୍ରାବାଦ:ଦୁନିଆର ସବୁଠୁ ଧନୀ ଉଦ୍ୟୋଗପତି ଏଲନ ମସ୍କଙ୍କ ରକେଟ ନିର୍ମାତା କମ୍ପାନୀ ସ୍ପେଶଏକ୍ସ (SpaceX) ନିଜର ସବୁଠାରୁ ଶକ୍ତିଶାଳୀ ଲଞ୍ଚ ଯାନ ଷ୍ଟାରସିପ (Starship)ର ମଙ୍ଗଳବାର ଆଉ ଏକ ଟେଷ୍ଟ କରିଛି । ଏହା ଷ୍ଟାରସିପର 6ଷ୍ଠ ଥର ପାଇଁ ସଫଳ ପରୀକ୍ଷଣ ହୋଇଛି । 121ମିଟର ଲମ୍ବା ରକେଟ ବୁଷ୍ଟର ଷ୍ଟେଜରେ ବିଫଳ ହୋଇଛି ସତ କିନ୍ତୁ ଶେଷରେ ସଫଳତାପୂର୍ବକ ଭାରତ ମହାସାଗରରେ ଅବତରଣ କରିଛି ।
ଷ୍ଟାରସିପ ଏଯାବତ ଦୁନିଆର ସବୁଠୁ ଶକ୍ତିଶାଳୀ ଲଞ୍ଚ୍ ଭେହିକଲ ଭାବେ ଜଣାଯାଏ । ମଙ୍ଗଳବାର ପ୍ରାୟ 400ଫୁଟ ବା 121 ମିଟର ଲମ୍ବା ରକେଟକୁ ଟେକ୍ସାସର ବ୍ରାଉନ୍ସଭିଲ୍ଲେ ସ୍ଥିତ ସ୍ପେଶଏକ୍ସର ଷ୍ଟାରବେସ୍ରୁ ଉତକ୍ଷେପଣ କରଯାଇଥିଲା । ରକେଟଟି ନିଜର ବିଶାଳକାୟ ବୁଷ୍ଟରକୁ ରିକଭର କରିବାରେ ବିଫଳ ହୋଇଛି । କିନ୍ତୁ ଏହାପରେ ଷ୍ଟାରସିପ ସଫଳତାର ସହିତ ଭାରତ ମହାସାଗରରେ ଅବତରଣ କରିଥିବା ସ୍ପେଶଏକ୍ସ ପକ୍ଷରୁ X ହ୍ୟାଣ୍ଡେଲରେ ଭିଡିଓ ବାର୍ତ୍ତା ଦିଆଯାଇଛି । ଷ୍ଟାରସିପ ଲଞ୍ଚ ସମୟରେ ଆମେରିକାର ନୂଆ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଉପସ୍ଥିତ ଥିଲେ ।
| ଏହା ବି ପଢନ୍ତୁ |
ଏ ନେଇ ସ୍ପେଶଏକ୍ସର ମୁଖ୍ୟ ତଥା ବିଶିଷ୍ଟ ଉଦ୍ୟୋଗପତି ଏଲନ ମସ୍କଙ୍କ କହିଛନ୍ତି ଯେ ଆଗକୁ ଷ୍ଟାରସିପକୁ ସମୁଦ୍ରରେ ଅବତରଣ କରିବା ଲାଗି ଆଉ ଏକ ଟେଷ୍ଟ କରାଯିବ । ଯଦି ସେହି ପରୀକ୍ଷା ସଫଳ ହୁଏ ତେବେ ସ୍ପେଶ୍ଏକ୍ସ ତାର ଲଞ୍ଚ ଟାୱାରର ବାହୁରେ ଷ୍ଟାରସିପ୍ ଅବତରଣ କରିବାକୁ ଚେଷ୍ଟା କରିବ ।
ବୁଷ୍ଟର ରିକଭରିରେ ସମସ୍ୟା:-
ମଙ୍ଗଳବାର ଯେତେବେଳେ ଡୋନାଲ୍ଡ ଟ୍ରମ୍ପ ଏଲନ୍ ମସ୍କଙ୍କ ସହ ଷ୍ଟାରବେସରେ ବୁଷ୍ଟର୍ କ୍ୟାଚ୍ ଦେଖିବା ପାଇଁ ପହଞ୍ଚିଥିଲେ କିନ୍ତୁ ଷ୍ଟାରସିପ୍ର ସୁପର ହେଭି ବୁଷ୍ଟର୍ ପୂର୍ବ ପରୀକ୍ଷଣ ଭଳି ଏଥର ସଫଳ ହୋଇପାରିନଥିଲା । ବୁଷ୍ଟର୍ ଧରିବା ପାଇଁ ବୈଷୟିକ ପାରାମିଟରଗୁଡିକ ଅନୁପଯୁକ୍ତ ଥିବାରୁ ସ୍ପେଶଏକ୍ସ ଏହାକୁ ସମୁଦ୍ରରେ ଅବତରଣ କରିବାକୁ ସ୍ଥିର କଲା । ଏହା ପରେ ସୁପର ହେଭି ବୁଷ୍ଟର୍ ମେକ୍ସିକୋ ଗଲ୍ଫରେ ଅବତରଣ କରିଥିଲା ।