ହାଇଦ୍ରାବାଦ: ଯଦି ଆପଣ ଅନଲାଇନ ସପିଂ କରିବାକୁ ଭଲ ପାଆନ୍ତି ଏବଂ କିଛି ଜିନିଷ କିଣିବା ଲାଗି କୌଣସି ଭଲ ଡିଲ୍କୁ ଅପେକ୍ଷା କରିଛନ୍ତି, ତେବେ ସେହି ସମୟ ଆସିଯାଇଛି । ଦେଶର ପ୍ରମୁଖ ଇ-କମର୍ସ ପ୍ଲାଟଫର୍ମ ଆମାଜନ୍ ବହୁ ପ୍ରତିକ୍ଷିତ ସପିଂ ଇଭେଣ୍ଟ ଖୁବଶୀଘ୍ର ଆରମ୍ଭ ହେବାକୁ ଯାଉଛି । ସାଧାରଣତନ୍ତ୍ର ଦିବସ ଲାଗି ଆମାଜନ ଆସନ୍ତା ଜାନୁଆରୀ 13 ତାରିଖଠାରୁ ଆରମ୍ଭ କରିବାକୁ ଯାଉଛି 'Great Republic Day Sale' । ଏଥିରେ ଅନେକ ପ୍ରଡକ୍ଟ ଉପରେ ବଡ଼ ଡିସକାଉଣ୍ଟ ମିଳିବାକୁ ଯାଉଛି ।
ବିଶେଷ କରି ସ୍ମାର୍ଟଫୋନ ଉପରେ ଭଲ ଡିସକାଉଣ୍ଟ ମିଳିବ । ଏହା ଉଭୟ ଏଣ୍ଟ୍ରି ଲେଭଲ୍ ଓ ଫ୍ଲାଗସିପ୍ ସ୍ମାର୍ଟଫୋନରେ ମିଳିବାକୁ ଯାଉଛି । ଏହାବାଦ କୌଣସି ନା କୌଣସି ପ୍ରଡକ୍ଟରେ ସମସ୍ତଙ୍କୁ ଭଲ ଡିଲ୍ ମିଳିବ । ଏହି ସେଲ୍ ଜାନୁଆରୀ 13 ତାରିଖଠାରୁ 19 ତାରିଖ ପର୍ଯ୍ୟନ୍ତ ଚାଲିବ । ଆମାଜନ ପ୍ରାଇମ ମେମ୍ବର ଆଗୁଆ ଏହି ସେଲ୍ ଲାଗି ଆକ୍ସେସ ପାଇବେ । ଏହି ମେଗା ସପିଂ ଇଭେଣ୍ଟରୁ ଆଉ କଣ ମିଳିବ ଫାଇଦା ଜାଣନ୍ତୁ ।
Amazon Great Republic Day Sale 2025 (Photo Credit- Amazon) ଆଗୁଆ କେମିତି ସେଲ୍ର ଲାଭ ଉଠାଇବେ ?
ଆମାଜନ୍ ସଦାସର୍ବଦା ଏହାର ପ୍ରାଇମ ମେମ୍ବରମାନଙ୍କୁ ଆଗୁଆ ଆକ୍ସେସ ପ୍ରଦାନ କରିଥାଏ । ଯଦି ଆପଣଙ୍କ ନିକଟରେ ଆକ୍ଟିଭ ପ୍ରାଇମ ମେମ୍ବରସିପ୍ ଅଛି ତେବେ ଜାନୁଆରୀ 13 ତାରିଖ ମଧ୍ୟରାତ୍ରିରୁ ଏହି ସେଲ୍ର ଲାଭ ଉଠାଇପାରିବେ । ସେଲ୍ ସମସ୍ତ ଆମାଜନ ୟୁଜରଙ୍କ ଲାଗି ଲାଇଭ୍ ହେବା ପରେ ପ୍ରଡକ୍ଟଗୁଡ଼ିକ ଶୀଘ୍ର ବିକ୍ରି ହୋଇଯାଏ । ପ୍ରାଇମ ମେମ୍ବରସିପ ଥିବା ୟୁଜର ଏପରି ସମସ୍ୟାର ସମ୍ମୁଖୀନ ହେବେ ନାହିଁ । ଯେଉଁମାନେ ପ୍ରାଇମ ମେମ୍ବର ନୁହଁନ୍ତି ସେମାନଙ୍କ ଲାଗି ସମାନ ଦିନ ମଧ୍ୟାହ୍ନ 12ଟାରୁ ସେଲ୍ ଲାଇଭ ହେବ ।
ସ୍ମାର୍ଟଫୋନ ଉପରେ ଆକର୍ଷଣୀୟ ଡିଲ୍
ଯଦି ଆପଣ ସ୍ମାର୍ଟଫୋନ କିଣିବାକୁ ଚାହୁଁଛନ୍ତି, ତେବେ ଏହା ଆପଣଙ୍କ ଲାଗି ଉପଯୁକ୍ତ ସମୟ । ଆମାଜନ ଏହାର ମାଇକ୍ରୋସାଇଟ୍ରେ ସ୍ମାର୍ଟଫୋନ ଡିଲ୍ ନେଇ ଟିଜର ଜାରି କରିଛି । 54,999ଟଙ୍କା ମୂଲ୍ୟର ଫ୍ଲାଗସିପ୍ ଫୋନ iQOO 13ରେ ଭଲ ରିହାତି ମିଳିପାରେ । ଏହାବାଦ ଅନ୍ୟ ହାଇ-ଏଣ୍ଡ ଡିଭାଇସ OnePlus 13, Motorola Razr 50 Ultra, Tecno Phantom V Fold 5G ଓ Samsung Galaxy S23 Ultra ଉପରେ ବଡ଼ ରିହାତି ମିଳିବ ବୋଲି ଜଣାପଡ଼ିଛି । ବଜେଟ୍ ଗ୍ରାହକ Redmi, POCO, Samsung ଓ Realme ଫୋନରେ ମଧ୍ୟ ଭଲ ଡିସକାଉଣ୍ଟ ପାଇବେ । ଯଦି ଆପଣଙ୍କ ନିକଟରେ SBI କ୍ରେଡିଟ୍ କାର୍ଡ ରହିଛି ତେବେ 10% ଇନଷ୍ଟାଣ୍ଟ ଡିସକାଉଣ୍ଟ ମଧ୍ୟ ପାଇପାରିବେ ।
ଆଉ କେଉଁ ପ୍ରଡକ୍ଟରେ ମିଳିବ ଡିସକାଉଣ୍ଟ ?
ଏହାବାଦ ଆମାଜନ ସ୍ମାର୍ଟ ଟିଭି, ଘରୋଇ ଉପକରଣ, ପ୍ରୋଜେକ୍ଟର ଆଦିରେ ମଧ୍ୟ 65% ଡିସକାଉଣ୍ଟ ମିଳିବ । ଇଲେକ୍ଟ୍ରୋନିକ ପ୍ରଡକ୍ଟ ଯେପରିକି ଇଅରଫୋନ, ସ୍ମାର୍ଟୱାଚ୍, ମାଉସ୍ ଆଦି Rs.199ରୁ ଆରମ୍ଭ ହେବ । ଆମାଜନର Alexa ଓ Fire TV ପ୍ରଡକ୍ଟ Rs.2,599ରୁ ଆରମ୍ଭ ହେବ । ଫ୍ୟାସନ ସେଲ୍ କଥା ଦେଖିଲେ, ଏଥିରେ ମଧ୍ୟ ଅନେକ ପ୍ରଡକ୍ଟ Rs. 199ରୁ ଆରମ୍ଭ ହେବ । ଦୈନନ୍ଦିନ କାର୍ଯ୍ୟରେ ବ୍ୟବହୃତ ହେଉଥିବା ପ୍ରଡକ୍ଟର ଦାମ Rs. 149ରୁ ଆରମ୍ଭ ହେବ । Amazon Pay ଜରିଆରେ ଟ୍ରାଭେଲ ବୁକିଂ କଲେ 50% ଡିସକାଉଣ୍ଟ ମିଳିପାରେ ।
