ଭୁବନେଶ୍ୱର:ରାଜରାସ୍ତାରେ ଧାରଣାରେ ଗୁରୁ । ଭୁବନେଶ୍ୱରେ ପିଏମଜି ଛକରେ ଆନ୍ଦୋଳନରେ ୬୬୨ ବର୍ଗ କଲେଜ ଅଧ୍ୟାପକ ସଂଘ । ହଜାର ହଜାର ସଂଖ୍ୟାରେ ଅଧ୍ୟାପକମାନେ ଦୀର୍ଘ ୩୫୮ ଦିନ ହେବ ରାଜରାସ୍ତାରେ ଅହୋରାତ୍ର ଆନ୍ଦୋଳନ କରି ଆସୁଛନ୍ତି । 6 ଥର ମହାସମାବେଶ ମଧ୍ୟ କରିସାରିଛନ୍ତି । ହେଲେ ସରକାର ସେମାନଙ୍କ ଦାବି କର୍ଣ୍ଣପାତ କରୁନଥିବା ଅଭିଯୋଗ କରିଛନ୍ତି । ତେବେ ଦାବି ପୂରଣ ନହେବା ପର୍ଯ୍ୟନ୍ତ ଏହି ଧାରଣା ଜାରି ରହିବ ବୋଲି ଚେତାବନୀ ଦେଇଛନ୍ତି କଲେଜ ଅଧ୍ୟାପକ ସଂଘ ।
ଦାବି ସମାନ କାମକୁ ସମାନ ଗ୍ରେଡ ପେ ଆଧାରରେ ଦରମା ପ୍ରଦାନ, ଏହି ବର୍ଗର କର୍ମଚାରୀମାନଙ୍କୁ ଚାକିରିରେ ଯୋଗଦାନକୁ ଭିତ୍ତିକରି ପେନସନ ପ୍ରଦାନ କରିବା, ୨୦୧୮ ଜି.ଓରେ ଉପକୃତ କର୍ମଚାରୀମାନଙ୍କୁ ସପ୍ତମ ବେତନ କମିଶନ ଆଧାରରେ ଦରମା ପ୍ରଦାନ ଓ ବାଦ୍ ପଢିଥିବା କର୍ମଚାରୀ ମାନଙ୍କୁ ଅନୁଦାନ ପରିସରଭୁକ୍ତ କରିବା ଦାବିରେ ପାଖାପାଖି ଏକ ବର୍ଷ ହେଲା ଆନ୍ଦୋଳନ କରିଆସୁଛି ୬୬୨ ବର୍ଗ କଲେଜ ଅଧ୍ୟାପକ ସଂଘ । ଏପରିକି ୪୨୦୦ ଗ୍ରେଡ ପେ ପାଉଥିବା କର୍ମଚାରୀମାନଙ୍କ ଠାରୁ ୪୬୦୦ ଗ୍ରେଡ ପେ କର୍ମଚାରୀମାନଙ୍କୁ କମ୍ ଦରମା ଦିଆଯାଉଥିବା ସେମାନେ ଅଭିଯୋଗ କରିଛନ୍ତି । ଅଧିକାଂଶ କର୍ମଚାରୀ ଏହା ମଧ୍ୟରେ ଅବସର ନେଇଥିବା ବେଳେ ସେମାନଙ୍କୁ ପେନସନ ପରିସରଭୁକ୍ତ କରାଯାଉନଥିବାରୁ ସେମାନଙ୍କ ଜୀବନଯାପନ କଷ୍ଟକର ହୋଇପଡିଛି । ଦୀର୍ଘ ୩୦ ବର୍ଷରୁ ଅଧିକ ବର୍ଷ ହେଲା କାର୍ଯ୍ୟ କରୁଥିବା ଅଧ୍ୟାପକ କର୍ମଚାରୀମାନଙ୍କୁ ରାଜ୍ୟ ସରକାର ଅଣଦେଖା କରୁଥିବା ଅଭିଯୋଗ କରିଛନ୍ତି ଅଧ୍ୟାପକ ସଂଘ ।
ଏହାମଧ୍ୟ ପଢନ୍ତୁ.. 10 ଦଫା ଦାବିରେ ଆନ୍ଦୋଳନକୁ ଓହ୍ଲାଇଲେ ଜଗତସିଂହପୁରର 10 ପଞ୍ଚାୟତବାସୀ