ଭୁବନେଶ୍ୱର: ନୂଆ ଡିସିପି ଭାବେ ଦାୟିତ୍ଵ ଗ୍ରହଣ କଲେ ପିନାକ ମିଶ୍ର । ଦାୟିତ୍ୱ ଗ୍ରହଣ ପରେ ଲୋକଙ୍କ ସହଯୋଗ ଲୋଡିଛନ୍ତି ପିନାକ ମିଶ୍ର । ଡିସିପି କହିଛନ୍ତି, "ପୂଜା ଏକ ଆହ୍ଵାନ, ସୁରୁଖୁରୁରେ ପୂଜା ସରିବା ସହିତ ସୁରକ୍ଷା ଓ ନିରାପତ୍ତା ଉପରେ ଦୃଷ୍ଟି ଦେବି । ଉତ୍ତମ ସେବା ଯୋଗାଇବା ମୋର ଲକ୍ଷ୍ୟ । ପୂଜା ଥିବାରୁ ଭିଡ଼ ଭିତରେ ଫାଇଦା ନେବା ଲାଗି ବାହାର ସ୍ଥାନରୁ ରାଜଧାନୀକୁ ଅପରାଧୀ ଆସିଥାନ୍ତି । ଏଭଳି ସ୍ଥିତିରେ ସମସ୍ତେ ସତର୍କ ରହିବା ଉଚିତ୍ ଓ ପୋଲିସ ସଜାଗ ରହିଛି ।"
Umashankar and Pinak Mishra Assume Charge (ETV Bharat Odisha) 'ଦୁର୍ଗାପୂଜା ଶୃଙ୍ଖଳିତ ହେବ'
ସେ ଆହୁରି କହିଛନ୍ତି, "ସରକାର ମୋତେ ଏ ଦାୟିତ୍ଵ ଦେଇଥିବାରୁ ତାଙ୍କୁ ଧନ୍ୟବାଦ ଦେଉଛି । କମିଶନରେଟ ପୋଲିସର ଯେଉଁ ସୁସ୍ଥ ପରମ୍ପରା ରହିଛି ତାକୁ ପାଥେୟ କରି ଏ ସହର ଲୋକଙ୍କୁ କିଭଳି ଶୃଙ୍ଖଳା ଓ ଉତ୍ତମ ପୋଲିସ ସେବା ଯୋଗାଇ ଦେବି ତାହାକୁ ନେଇ ଆପ୍ରାଣ ଚେଷ୍ଟା କରିବି । ଏଥିପାଇଁ ମୁଁ ରାଜଧାନୀବସୀଙ୍କ ସହାୟତା ଲୋଡୁଛି । ଆଜିଠୁ ନବରାତ୍ର ଆରମ୍ଭ ହେଉଛି, ଏହି ପୂଜା ମାହୋଲ ଶାରଦୀୟ ପୂଜା ଉତ୍ସବ କିପରି ସୁରୁଖୁରୁରେ କରାଯିବ ତାହାକୁ ନେଇ କମିଶନରେଟ ପୋଲିସ ପକ୍ଷରୁ ଆପ୍ରାଣ ଉଦ୍ୟମ କରାଯିବ ।"
କମିଶନରେଟ ପୋଲିସକୁ ଫେରିଲେ ଉମା:
ବିଧିବଦ୍ଧ ଭାବେ ଦାୟିତ୍ୱ ଗ୍ରହଣ କଲେ ଅତିରିକ୍ତ ପୋଲିସ କମିଶନର ଉମା ଶଙ୍କର ଦାଶ । ପୋଲିସ କମିଶନର ସୁରେଶ ଦେବଦତ୍ତ ସିଂ ତାଙ୍କୁ କମିଶନରେଟ ପୋଲିସର ଲୋଗୋ ପିନ୍ଧାଇ ସ୍ୱାଗତ କରିଛନ୍ତି । ଦାୟିତ୍ୱ ଗ୍ରହଣର ପ୍ରଥମ ଦିନରେ କମିଶନରେଟ ପୋଲିସ ପକ୍ଷରୁ ତାଙ୍କୁ ସ୍ୱାଗତ କରାଯାଇଛି । ପୂର୍ବରୁ ମଧ୍ୟ ଭୁବନେଶ୍ୱର ଡିସିପି ଏବଂ ଅତିରିକ୍ତ ପୋଲିସ କମିଶନର ଭାବରେ ଦାୟିତ୍ୱ ସୁଚାରୁ ତୁଲାଇଥିଲେ ଉମାଶଙ୍କର ଦାଶ । ନୂଆ ସରକାରରେ ତାଙ୍କୁ ପୁଣି ଥରେ ଗୁରୁ ଦାୟିତ୍ୱ ମିଳିଥିବାବେଳେ ସେ ସରକାରଙ୍କୁ ଧନ୍ୟବାଦ ଜଣାଇଛନ୍ତି ।
Umashankar Dash (ETV Bharat Odisha) ଟ୍ବିନ-ସିଟିବାସୀଙ୍କ ସୁରୁକ୍ଷାକୁ ଗୁରୁତ୍ବ:
ଅତିରିକ୍ତ ଡିସିପି ଉମାଶଙ୍କର ଦାଶ କହିଛନ୍ତି,"ଆଗକୁ ଦୁର୍ଗା ପୂଜା ଆସୁଛି । ତେଣୁ କଟକ ଏବଂ ଭୁବନେଶ୍ୱରବାସୀଙ୍କ ସୁରକ୍ଷାକୁ ଅଧିକ ଗୁରୁତ୍ୱ ଦେବ ପୋଲିସ । କଟକ-ଭୁବନେଶ୍ୱରବାସୀଙ୍କ ସମେତ କମିଶନରେଟ ପୋଲିସରେ ଚାକିରି କରୁଥିବା ସମସ୍ତ କର୍ମଚାରୀ କିଭଳି ସୁରକ୍ଷା ପାଇବେ ତାହା ମୋର ପ୍ରାଥମିକ ଦାୟିତ୍ୱ ରହିବ । କମିଶନରେଟ ପୋଲିସ ନେତୃତ୍ୱରେ ଏହି ଦାୟିତ୍ୱକୁ ଗୋଟିଏ ଟିମ ହୋଇ ତୁଲାଇବୁ । ମୋ ଦାୟିତ୍ୱକୁ ମୁଁ ସୁଚାରୁ ରୂପେ ପାଳନ କରିବି ।"
Pinak Mishra (ETV Bharat Odisha) ଲୋକଙ୍କ ସୁରକ୍ଷା ସହ ଉତ୍ତମ ବ୍ୟବହାର:
ଉମାଶଙ୍କର କହିଛନ୍ତି, "ଲୋକଙ୍କୁ ସୁରକ୍ଷା ସହ ସେବା କରିବା ଆମର ଦାୟିତ୍ୱ । ସାଧାରଣ ଲୋକଙ୍କ ପ୍ରତି ଉତ୍ତମ ବ୍ୟବହାର ପ୍ରତି ଧ୍ୟାନ ଦେବା ଓ କମିଶନରେଟ ପୋଲିସର ସବୁ ବର୍ଗର ଅଧିକାରୀଙ୍କୁ ଉତ୍ତମ ପ୍ରଶିକ୍ଷଣ ଦିଆଯିବ । ଏହା କିଭଳି ଦିଆଯିବ ତାହା ମଧ୍ୟ ମୋର ପ୍ରଥମ ଦାୟିତ୍ୱ ରହିବ । ବିଶେଷ କରି କମିଶନରେଟ ପୋଲିସର ବିଭିନ୍ନ ଅଭିଯାନ ମାଧ୍ୟମରେ ସେବାକୁ ଆହୁରି ତ୍ଵରାନିତ୍ଵ କରାଯିବ ।" ଡିସିପି ପିନାକ ମିଶ୍ର କହିଛନ୍ତି, "ଏହାସହ କଟକ-ଭୁବନେଶ୍ୱରବାସୀଙ୍କ ଯେଉଁ ଆଶା ରହିଥାଏ ତାହା ପୂରଣ କରିବାକୁ କମିଶନରରେଟ ପୋଲିସ ଚେଷ୍ଟା କରିବ। କମିଶନରରେଟ ପୋଲିସରେ କାର୍ଯ୍ୟ କରିବା ଗର୍ବ ଓ ଗୌରବର କଥା, ଆଉ ଚ୍ୟାଲେଞ୍ଜ ମଧ୍ୟ । ପୋଲିସ କିପରି ଦାୟିତ୍ୱ ଓ ସେବା ଠିକରେ ପ୍ରଦାନ କରିବା ତାହା ଆମର ଲକ୍ଷ୍ୟ । ଟିମ ହିସାବରେ ଯାହା ଦରକାର ମୁଁ ମୋର ଶତ ପ୍ରତିଶତ ଦେଇ କାର୍ଯ୍ୟ ସମ୍ପାଦନ କରିବି ।"
ଇଟିଭି ଭାରତ, ଭୁବନେଶ୍ବର
