ଭୁବନେଶ୍ୱର:ଠକାମିର ଶେଷ ସୀମାରେ ପହଞ୍ଚିଲେଣି ସାଇବର ଠକ । ନିଜକୁ ପୋଲିସ ପରିଚୟ ଦେଇ ଠକୁଛନ୍ତି ସାଇବର ଲୁଟେରା । ଭୁବନେଶ୍ୱର ଜଣେ ସରକାରୀ ଚାକିରିଆକୁ ୩୬ଲକ୍ଷ ଟଙ୍କା ଠକେଇର ପର୍ଦ୍ଦାଫାସ କରିଛି କମିଶନରେଟ୍ ପୋଲିସ । ଏହି ମାମଲାରେ ୫ଜଣ ସାଇବର ଠକଙ୍କୁ ରାଜ୍ୟ ବାହାରୁ ଗିରଫ କରିଛି ସାଇବର ସେଲ ଟିମ୍ । ଯାହାର ସୂଚନା ପୋଲିସ କମିଶନର ସଞ୍ଜିବ ପରିଡ଼ା ଦେଇଛନ୍ତି । ଆଜି ଏକ ସାମ୍ବାଦିକ ସମ୍ମିଳନୀରେ ଏହି ଲୁଟେରାଙ୍କ ବିଷୟରେ ବିସ୍ତୃତ ବିବରଣୀ ଦେଇଛନ୍ତି କମିଶନରେଟ୍ ପୋଲିସ ।
ସୂଚନା ଦେଇ ପୋଲିସ କମିଶନର କହିଛନ୍ତି ଯେ, ଗିରଫ ହୋଇଥିବା ଠକଙ୍କ ମଧ୍ୟରେ ଆନ୍ଧ୍ରପ୍ରଦେଶର ସେକ ଗୈାଷ ପିରା, ମୁଚୁମାରି ଚିଟି ବାବୁ ଓ ତ୍ରିପୁରାର ଡେଞ୍ଜୋ ବସ ଓ ଜିତେନ କାଇପେଙ୍ଗ ସହ ଜେମସ ଏଲଭିସ ତାରା ସାମିଲ ଅଛନ୍ତି । ତେବେ ସେମାନଙ୍କଠାରୁ ୧୩ ଲକ୍ଷ ୫୩ ହଜାର ଟଙ୍କା ଅନଲାଇନ ବ୍ୟାଙ୍କ ଡିପୋଜିଟ ସହ ୨ଟି ଲ୍ୟାପଟପ୍ ଓ ୫୬ ଏଟିଏମ, ୨୦ ମୋବାଇଲ ଫୋନ, ୩୦ ସିମକାର୍ଡ, ପାସବୁକ, ଚେକବୁକ ଓ ଗୋଟିଏ ତ୍ରିପୁରା ନମ୍ବର ଥିବା କାର ଜବତ ହୋଇଥିବା ଜଣାପଡ଼ିଛି । ଆନ୍ଧ୍ରର ଦୁଇ ଜଣ ଅନଲାଇନ ଆପ ଜରିଆରେ ରିମୋର୍ଟ ମନିଟର କରି ଠକିବା କାମ କରୁଥିଲେ । ଆସାମର ଗିରଫ ଯୁବକ ଟେଲି ଗ୍ରାମ ଗ୍ରୁପ କରି ଲୋକଙ୍କଠୁ କମିସନ ବଦଳରେ ଆକାଉଣ୍ଟ ଖୋଲି ତଥ୍ୟ ନେଉଥିଲେ । ସେପଟେ ତ୍ରିପୁରାର ଗିରଫ ଦୁଇ ଠକ ନକଲି ପୋଲିସ ସାଜି ଲୋକଙ୍କୁ କଲ୍ କରି ଠକୁ ଥିବା ପୋଲିସ ପକ୍ଷରୁ ସୂଚନା ମିଳିଛି ।
କିଭଳି କରୁଥିଲେ ଠକାମି :
ଠକମାନେ କଲ କରି ନିଜକୁ ପୋଲିସର ପରିଚୟ ଦେଇ ପୀଡ଼ିତ ମାନଙ୍କ ନାମରେ କୋରିୟର ଆସିଛି କହିବା ସହିତ ପାର୍ସଲରେ ପୀଡ଼ିତର ପରିଚୟ ରହିଥିବା କହୁଥିଲେ । ଆଉ ସେହି କୋରିୟରରେ କିଛି ଆପତ୍ତିଜନକ ସାମଗ୍ରୀ ଥିବା କହି ସେମାନଙ୍କୁ ତଦନ୍ତରେ ସହଯୋଗ କରିବାକୁ କହୁଥିଲେ । ଲୋକକୁ ଡିଜିଟାଲ ଆରେଷ୍ଟ କହି ମୋବାଇଲ ବା ଲ୍ୟାପଟପରେ ସ୍କାଏପ କଲ କରି ପଚରାଉଚରା କରୁଥିଲେ । ପରେ ଆରେଷ୍ଟ କରିବା ଧମକ ଦେଇ ତଦନ୍ତରେ ସହଯୋଗ ଆଳରେ ଆକାଉଣ୍ଟର ତଥ୍ୟ ଏଟିଏମ୍ ପିନ୍ କାର୍ଡ ଓ କ୍ରେଡିଟ କାର୍ଡ ଆଦିର ତଥ୍ୟ ନେଇ ଟଙ୍କା ଗାଏବ କରି ଦେଉଥିଲେ । ଏହିପରି ଢଙ୍ଗରେ ଜଣେ ସରକାରୀ କର୍ମଚାରୀଙ୍କ ଠାରୁ ୩୬ଲକ୍ଷ ଠକିବା ପରେ ପୋଲିସ ତଦନ୍ତ କରି ଏହି ରାକେଟକୁ ଠାବ କରିଛି ।
ଟେଲିଗ୍ରାମ ଜରିଆରେ ନେଟୱର୍କ ଠକେଇ: