ଟ୍ରକ ଧକ୍କାରେ 4 ବାଇକ ଆରୋହୀ ମୃତ

ବାଟରେ ଛକି ବସିଥିଲା ଯମ । କାମକୁ ଗଲାବେଳେ ଶ୍ରମିକଙ୍କ ଉପରେ ମାଡ଼ିଗଲା ଟ୍ରକ ।

କୋରାପୁଟ:ଟ୍ରକ ଧକ୍କାରେ ଚାଲିଗଲା ୪ ଜଣଙ୍କ ଜୀବନ । କୋରାପୁଟ ଜିଲ୍ଲାରେ ଘଟିଛି ଏଭଳି ଏକ ମର୍ମନ୍ତୁଦ ସଡ଼କ ଦୁର୍ଘଟଣା । 4 ଜଣ ଯୁବକ କୁଲି ମଜୁରୀ କାର୍ଯ୍ୟ କରିବା ପାଇଁ ଯାଉଥିବା ବେଳେ ବାଇକ ଉପରେ ଚଢିଗଲା ଟ୍ରକ । ଆଜି (ଶୁକ୍ରବାର) ଏଭଳି ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଦେଖିବା ପାଇଁ ମିଳିଛି ଜୟପୁର ବ୍ଲକ ଅନ୍ତର୍ଗତ ପାତ୍ରପୁଟ ନିକଟ ଜବାକନାଡ଼ିଠାରେ ।

• ବାଇକକୁ ଧକ୍କାଦେଲା ଟ୍ରକ:

ମିଳିଥିବା ସୂଚନା ଅନୁସାରେ, ଗୋଟିଏ ବାଇକରେ ବୈପାରୀଗୁଡା ବିଚଲକୋଟା ଗାଁର 4 ଜଣ ଯୁବକ କୁଲି କାମ କରିବା ପାଇଁ ଏକ ବାଇକ ଯୋଗେ ଜୟପୁର ସହର ଆଡକୁ ଯାଉଥିଲେ । ଏହି ସମୟରେ ଜୟପୁରରୁ ମାଲକାନଗିରି ଆଡକୁ ଯାଉଥିବା ଏକ ମାଲବାହୀ ଟ୍ରକ ଏହି ବାଇକକୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ 4ଜଣଙ୍କ ମୃତ୍ୟୁ ଘଟିଛି । ଖବର ପାଇ ଜୟପୁର ସଦର ପୋଲିସ ଦୁର୍ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ଦୁର୍ଘଟଣା ଘଟାଇଥିବା ଟ୍ରକକୁ ଜବତ କରିଛି । ସେପଟେ ଘଟଣାସ୍ଥଳରୁ ଟ୍ରକ ଡ୍ରାଇଭର ଫେରାର ଥିବା ଜଣାପଡ଼ିଛି ।

ଆଜି ସକାଳୁ ପ୍ରବଳ କୁହୁଡି ହୋଇଥିବା ଯୋଗୁଁ ଏଭଳି ଦୁର୍ଘଟଣା ଘଟିଥାଇ ପାରେ ବୋଲି ପାରିପାର୍ଶ୍ବିକ ସ୍ଥିତିରୁ ଅନୁମାନ କରାଯାଉଛି । ପୋଲିସ 4 ଜଣଙ୍କ ମୃତଦେହକୁ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ସୂଚନା ମିଳିଛି । ସେପଟେ ଏହି ଘଟଣା ପରେ ବିଚଲକୋଟା ଗାଁରେ ଶୋକର ଛାୟା ଖେଳିଯାଇଛି ।

ଖବର ଅପଡେଟ୍ ଜାରି ରହିଛି....

ଇଟିଭି ଭାରତ, କୋରାପୁଟ