ହାଇଦ୍ରାବାଦ:ସମୟ ରାଇନାଙ୍କୟୁଟ୍ୟବ ଶୋ' 'ଇଣ୍ଡିଆ ଗଟ୍ ଲାଟେଣ୍ଟ' ବିବାଦ ମାମଲା । ସେ ଏହି ଶୋ’ ମାଧ୍ୟମରେ ଲୋକମାନଙ୍କୁ ବହୁତ ମନୋରଞ୍ଜନ କରିଥିଲେ, କିନ୍ତୁ ଏହାର ଶେଷ ଏପିସୋଡକୁ ନେଇ ବିବାଦ ସୃଷ୍ଟି ହୋଇଥିଲା । ୟୁଟ୍ୟୁବର ରଣବୀର ଆହ୍ଲାବାଦିଆ ପ୍ରତିଯୋଗୀଙ୍କୁ ଏକ ଅଶାଳୀନ ପ୍ରଶ୍ନ ପଚାରିଥିଲେ, ଯାହାକୁ ନେଇ ଖୁବ ଟ୍ରୋଲ କରାଯିବା ସହ ମାମଲା ଥାନାରେ ପହଞ୍ଚିଥିଲା । ମୁମ୍ବାଇ ପୋଲିସ ଏହି ମାମଲା ନେଇ କାର୍ଯ୍ୟାନୁଷ୍ଠାନ ଆରମ୍ଭ କରିଛି । ଏବେ ଅପଡେଟ୍ ସାମ୍ନାକୁ ଆସିଛି ଯେ ମହାରାଷ୍ଟ୍ର ସାଇବର ସେଲ୍ ୟୁଟ୍ୟୁବର ସମୟ ରାଇନାଙ୍କ ଏକ ଆବେଦନକୁ ଖାରଜ କରିଛି । ବୟାନ ରେକର୍ଡ ପାଇଁ ସମୟ ରାଇନାଙ୍କୁ ସମନ ଜାରି କରାଯାଇଛି ।
ସୂଚନା ଅନୁସାରେ, ସମୟ ରାଇନା ଭିଡିଓ କନଫରେନ୍ସିଂ ମାଧ୍ୟମରେ ତାଙ୍କ ବୟାନ ରେକର୍ଡ କରିବା ପାଇଁ ପୋଲିସ ଠାରୁ ଅନୁମତି ମାଗିଥିଲେ, କିନ୍ତୁ ଇଣ୍ଡିଆଜ୍ ଗଟ୍ ଲାଟେଣ୍ଟ ବିବାଦରେ ତାଙ୍କ ଆବେଦନକୁ ମଞ୍ଜୁର କରାଯାଇ ନାହିଁ । ହାସ୍ୟ ଅଭିନେତାଙ୍କୁ ତାଙ୍କ ବୟାନ ରେକର୍ଡ କରିବା ପାଇଁ ପୋଲିସ ଷ୍ଟେସନକୁ ଡକାଯାଇଥିଲା । ଏହା ପରେ, ସମୟ ରାଇନା ତାଙ୍କ ଆବେଦନରେ କହିଥିଲେ ଯେ ସେ ବର୍ତ୍ତମାନ ଆମେରିକାରେ ଅଛନ୍ତି ଏବଂ ତାଙ୍କର କାର୍ଯ୍ୟସୂଚୀ ଯୋଗୁଁ ସେ ମାର୍ଚ୍ଚ ୧୭ ପୂର୍ବରୁ ଭାରତ ଫେରିପାରିବେ ନାହିଁ । ବର୍ତ୍ତମାନ ମହାରାଷ୍ଟ୍ର ସାଇବର ସେଲ୍ ତାଙ୍କ ଆବେଦନକୁ ଖାରଜ କରିଦେଇଛନ୍ତି ଏବଂ ସମୟଙ୍କୁ ଫେବୃଆରୀ 18 ତାରିଖରେ ପୋଲିସ ଷ୍ଟେସନକୁ ଆସି ତାଙ୍କ ବୟାନ ରେକର୍ଡ କରିବାକୁ ସମନ ଜାରି କରିଛନ୍ତି ।
ପୂର୍ବରୁ, ମୁମ୍ବାଇ ପୋଲିସ ମଧ୍ୟ ସମୟ ରାଇନାଙ୍କୁ ଫେବୃଆରୀ ୧୭ ପୂର୍ବରୁ ପଚରାଉଚରା ପାଇଁ ଖାର ପୋଲିସ ନିକଟରେ ହାଜର ହେବାକୁ କହିଥିଲା ଏବଂ ସେ ବିଦେଶରେ ତାଙ୍କର ଶୋ ବିଷୟରେ ମଧ୍ୟ ସୂଚନା ଦେଇଥିଲେ । ପୋଲିସ ପୂର୍ବରୁ ଆହ୍ଲାବାଦିଆଙ୍କ ଘରେ ତାଙ୍କ ବୟାନ ରେକର୍ଡ କରିବା ପାଇଁ କରିଥିବା ଅନୁରୋଧକୁ ପ୍ରତ୍ୟାଖ୍ୟାନ କରିଥିଲା ଏବଂ ତାଙ୍କୁ ବ୍ୟକ୍ତିଗତ ଭାବରେ ପୋଲିସ ସମ୍ମୁଖରେ ହାଜର ହେବାକୁ କହିଥିଲା । ମୁମ୍ବାଇ ଏବଂ ମହାରାଷ୍ଟ୍ର ସାଇବର ଏପର୍ଯ୍ୟନ୍ତ ଆହ୍ଲାବାଦିଆଙ୍କ ବୟାନ ରେକର୍ଡ କରିନାହାଁନ୍ତି । କହିରଖୁଛୁ କି, ଏହି ମାମଲା ସମ୍ପର୍କରେ ବୟାନ ରେକର୍ଡ କରିବା ପାଇଁ ମହାରାଷ୍ଟ୍ର ସାଇବର ଅତି କମରେ 50 ଜଣଙ୍କୁ ସମନ କରିଛି । ଏମାନଙ୍କ ମଧ୍ୟରେ ଶୋ’ରେ ଅଂଶଗ୍ରହଣ କରିଥିବା ଲୋକମାନେ ମଧ୍ୟ ଅନ୍ତର୍ଭୁକ୍ତ ।
ବିବାଦ ପରେ ସମୟ ରାଇନା ବୟାନ ଜାରି କରିଥିଲେ