ହାଇଦ୍ରାବାଦ: ମନ ଜିତୁଛିଶ୍ରଦ୍ଧା କପୁର ଏବଂ ରାଜକୁମାର ରାଓଙ୍କ ହରର କମେଡି ଫିଲ୍ମ 'ସ୍ତ୍ରୀ ୨' । ଅଗଷ୍ଟ 15ରେ ରିଲିଜ ହୋଇଥିବା ଏହି ଫିଲ୍ମ ବକ୍ସ ଅଫିସରେ ଏବେ ଧମାଲ କରୁଛି। ଥିଏଟରରେ ଦର୍ଶକଙ୍କ ଭିଡ଼ ଜମୁଥିବା ବେଳେ ଫିଲ୍ମ କୋଟି କୋଟି ଟଙ୍କା ଆୟ କରି ଇତିହାସ ରଚିଛି। 5 ଦିନ ମଧ୍ୟରେ ବିଶ୍ୱରେ ଏବଂ ଭାରତରେ 200 କୋଟି ପାର୍ କରି ସଫଳତା ହାସଲ କରିଛି । ଗତକାଲି ରାକ୍ଷୀ ପୂର୍ଣ୍ଣିମାରେ ମଧ୍ୟ ଫିଲ୍ମ ଜବରଦସ୍ତ କଲେକ୍ସନ କରିଛି। ଫିଲ୍ମ ମୋଟ କେତେ କଲେକ୍ସନ କରିଛି? ଜାଣନ୍ତୁ,
'ସ୍ତ୍ରୀ ୨' ବକ୍ସ ଅଫିସ କଲେକ୍ସନ
ବ୍ୟାକ୍ ଟୁ ବ୍ୟାକ୍ ଛୁଟିଦିନ 'ସ୍ତ୍ରୀ ୨' ପାଇଁ ଭଲ ଫଳପ୍ରଦ ହୋଇଛି । ଯାହା ଫଳରେ ବହୁ ସଂଖ୍ୟାରେ ଲୋକ ଏହି ଚଳଚ୍ଚିତ୍ର ଦେଖିବା ପାଇଁ ପ୍ରେକ୍ଷାଳୟକୁ ଆସୁଛନ୍ତି। ରାଜକୁମାର ରାଓଙ୍କ ସ୍ତ୍ରୀ 2 ର ରୋଜଗାର ଏହାର ପ୍ରମାଣ ଦେଉଛି । ସାକନିକଙ୍କ ରିପୋର୍ଟ ଅନୁସାରେ, 'ସ୍ତ୍ରୀ ୨' ବର୍ତ୍ତମାନ ଘରୋଇ ଅର୍ଥାତ୍ ଭାରତୀୟ ବକ୍ସ ଅଫିସରେ ମୋଟ 230 କୋଟି ପାଖାପାଖି ଆୟ କରି ସଫଳତା ହାସଲ କରିଛି।
- ପ୍ରିଭ୍ୟୁ:- ୮.୫ କୋଟି
- ପ୍ରଥମ ଦିନ- ୫୧.୮ କୋଟି
- ଦ୍ୱିତୀୟ ଦିନ- ୩୧.୪ କୋଟି
- ତୃତୀୟ ଦିନ- ୪୩. ୮୫କୋଟି
- ଚତୁର୍ଥ ଦିନ - ୫୫.୯ କୋଟି
- ପଞ୍ଚମ ଦିନ - ୩୮.୧ କୋଟି
ମୋଟ କଲେକ୍ସନ-୨୨୯. ୫୫କୋଟି
ବିଶ୍ୱରେ 250 କୋଟି ପାର୍
'ସ୍ତ୍ରୀ ୨'କେବଳ ଭାରତରେ ନୁହେଁ ବିଦେଶରେ ମଧ୍ୟ ଫିଲ୍ମକୁ ନେଇ ଲୋକଙ୍କ ମଧ୍ୟରେ ଭିନ୍ନ କ୍ରେଜ ଦେଖିବାକୁ ମିଳିଛି । ଭାରତ ପରି ସାରା ବିଶ୍ୱ ବକ୍ସ ଅଫିସରେ ମଧ୍ୟ 'ସ୍ତ୍ରୀ ୨' 250 କୋଟି ପାର୍ କରିଛି। ଅର୍ଥାତ୍ ରିଲିଜର 5ଦିନ ମଧ୍ୟରେ 'ସ୍ତ୍ରୀ ୨' 283 କୋଟି ଆୟ କରିଛି। ଯାହାକୁ ସୋସିଆଲ ମିଡିଆରେ ସେୟାର କରି ସୂଚନା ଦେଇଛନ୍ତି ନିର୍ମାତା। ତେବେ 50 କୋଟି ବଜେଟରେ ନିର୍ମିତ ଏହି ଫିଲ୍ମ ନିଜ ବଜେଟ ମୂଲ୍ୟରୁ ଅଧିକ ଆୟ କରି ସଫଳତା ହାସଲ କରିଛି ଏବଂ ଆଗାମୀ ଦିନରେ ଏହା ଆହୁରି ଅଧିକ ଆୟ କରି ଇତିହାସ ରଚିବ ବୋଲି କୁହାଯାଉଛି।
ଏହା ମଧ୍ୟ ପଢନ୍ତୁ;ମନ ଜିତୁଛି 'ସ୍ତ୍ରୀ ୨'; ୩ ଖାନଙ୍କ ଫିଲ୍ମକୁ ପଛରେ ପକାଇଲା ଶ୍ରଦ୍ଧାଙ୍କ ଫିଲ୍ମ, ୩ ଦିନରେ ୧୦୦ କୋଟି ପାର୍
'ସ୍ତ୍ରୀ ୨' ଷ୍ଟାରକାଷ୍ଟ
ଦୀନେଶ ଭାଇଜାନ ଏବଂ ଜ୍ୟୋତି ଦେଶପାଣ୍ଡେ ଏକାଠି ଏହି ଚଳଚ୍ଚିତ୍ର ନିର୍ମାଣ କରୁଥିବା ବେଳେ ଫିଲ୍ମର ନିର୍ଦ୍ଦେଶନା ଦେଇଛନ୍ତି ଅମର କୌଶିକ । ଫିଲ୍ମର କାହାଣୀ ନିରେନ ଭଟ୍ଟ ଲେଖିଛନ୍ତି । ଏଥର ମଧ୍ୟ 'ସ୍ତ୍ରୀ ୨'ରେ ଶ୍ରଦ୍ଧା କପୁର ଏବଂ ରାଜକୁମାର ରାଓ ନଜର ଆସିଛନ୍ତି । ଏମାନଙ୍କ ବ୍ୟତୀତ ପଙ୍କଜ ତ୍ରିପାଠୀ, ଅପରକ୍ଷୀ ଖୁରାନା ଏବଂ ଅଭିଷେକ ବାନାର୍ଜୀ ମଧ୍ୟ ନଜର ଆସିଛନ୍ତି । 'ସ୍ତ୍ରୀ ୨'ସ୍ୱାଧୀନତା ଦିବସ ଅର୍ଥାତ୍ ଅଗଷ୍ଟ ୧୫ରେ ମୁକ୍ତିଲାଭ କରିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
