ମୁମ୍ବାଇ: ବଲିଉଡର ଅଭିନେତ୍ରୀ ଶ୍ରଦ୍ଧା କପୁର ଜଣେ ଚୁଲବୁଲି ଅଭିନେତ୍ରୀ ଭାବେ ଜଣାଶୁଣା । ଯାହାଙ୍କର ଲକ୍ଷ ଲକ୍ଷ ଫ୍ୟାନ୍ସ ଏବଂ ଫଲୋଅର୍ସ ଅଛନ୍ତି । ଯାହାଙ୍କ ପାଇଁ ସେ ସୋସିଆଲ ମିଡ଼ିଆରେ ନିଜ ସୁନ୍ଦର ସୁନ୍ଦର ଫଟୋ ସାଙ୍ଗକୁ ମଜାଳିଆ କଥା ସେୟାର କରିଥାନ୍ତି । ଯାହାକୁ ତାଙ୍କ ଫ୍ୟାନ୍ସଙ୍କୁ ଖୁବ ପସନ୍ଦ କରିବା ସହିତ ତାଙ୍କ ନୂତନ ଅପଡେଟର ଅପେକ୍ଷାରେ ରହିଥାନ୍ତି । ଏବେ ଶ୍ରଦ୍ଧା ମାଉଣ୍ଟେନ ଟ୍ରିପରେ ଅଛନ୍ତି । ଆଉ ସେଠାରୁ ସୁନ୍ଦର ସୁନ୍ଦର ଫଟୋ ସେ ତାଙ୍କ ସୋସିଆଲ ମିଡ଼ିଆରେ ପୋଷ୍ଟ ମଧ୍ୟ କରୁଛନ୍ତି । ତେବେ ସେ ନିକଟରେ ଏକ ଫଟୋ ପୋଷ୍ଟ କରି ସେଥିରେ ଏକ ମଜାଦାର ଚ୍ୟାଲେଞ୍ଜକୁ କ୍ୟାପସନରେ ଲେଖିଛନ୍ତି ଯାହା ପାଇଁ ଫ୍ୟାନ୍ସଙ୍କର ବହୁତ ମଜାଦାର ରିଆକ୍ସନ ମଧ୍ୟ ଆସୁଛି ।
ଶ୍ରଦ୍ଧା ଦେଇଛନ୍ତି ଏହି ଚ୍ୟାଲେଞ୍ଜ
ପ୍ରବଳ ଖରା ଏବଂ ଗରମ ମଧ୍ୟରେ ଶ୍ରଦ୍ଧା କପୁର ଏକ ମାଉଣ୍ଟେନ ଟ୍ରିପ କରଛନ୍ତି । ଆଜି ସେ ତାଙ୍କ ସୋସିଆଲ ମିଡ଼ିଆରେ ସେହି ଟ୍ରିପର କିଛି ସୁନ୍ଦର ଫଟୋ ସେୟାର କରିଛନ୍ତି । ସେୟାର କରିଥିବା ଫଟୋରେ ସେ ନିଜ ଟ୍ରିପକୁ ବହୁତ ମଜା କରୁଥିବା ନଜର ଆସିଛି । ଅନ୍ୟପଟେ ଫ୍ୟାନ୍ସ ମାନେ ମଧ୍ୟ ଶ୍ରଦ୍ଧାଙ୍କ ସେହି ପୋଷ୍ଟକୁ ବହୁତ ପସନ୍ଦ କରିଛନ୍ତି । ତେବେ ଏହି ସୁନ୍ଦର ଫଟୋ ମଧ୍ୟରେ ଫ୍ୟାନ୍ସଙ୍କୁ ଆକର୍ଷଣ କରିଛି ସେହି କୌତୁହଳ ପୂର୍ଣ୍ଣ କ୍ୟାପସନ । ସେ ଫଟୋ କ୍ୟାପସନରେ ଲେଖିଛନ୍ତି 'କାହାର ସାହାସ ଅଛି ମୋତେ ପାହାଡ଼ରୁ ଫେରାଇ ନେବ' ।