ଅଜୟ ଦେବଗାନଙ୍କ 'ମୈଦାନ' ରିଲିଜ୍ ଡେଟ୍ ଆଉଟ, ବକ୍ସ ଅଫିସରେ ଅକ୍ଷୟ କୁମାରଙ୍କ ସହ ହେବ ଟକ୍କର

Ajay Devgn Maidan Release: ସିଘଂମ ଅଭିନେତା ଅଜୟ ଦେବଗନଙ୍କ ବହୁ ପ୍ରତୀକ୍ଷିତ ଫିଲ୍ମ 'ମୈଦାନ'ର ରିଲିଜ ଡେଟ ସାମ୍ନାକୁ ଆସିଛି । ଅଧିକ ପଢନ୍ତୁ,

ମୁମ୍ବାଇ: ସାମ୍ନାକୁ ଆସିଲା ବଲିଉଡ ଅଭିନେତା ଅଜୟ ଦେବଗନଙ୍କ ଷ୍ଟାରର ଫିଲ୍ମ 'ମୈଦାନ' ର ରିଲିଜ ଡେଟ୍ । ଇଦ୍ ଅବସରରେ ଏପ୍ରିଲ 2024 ରେ ପ୍ରେକ୍ଷାଳୟରେ ମୁକ୍ତିଲାଭ କରିବ ଫିଲ୍ମ 'ମୈଦାନ'। ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ଅମିତ ଶର୍ମା । ଇଦରେ ଫିଲ୍ମ ମୈଦାନ ଓ ଅକ୍ଷୟ କୁମାର ଏବଂ ଟାଇଗର ଶ୍ରଫଙ୍କ ଫିଲ୍ମ 'ବଡେ ମିୟା ଛୋଟେ ମିୟା' ଏକାଠି ମୁକ୍ତିଲାଭ କରିବାକୁ ଯାଉଛି ।

ଅଜୟଙ୍କ ଫିଲ୍ମ ମୈଦାନର ରିଲିଜ୍ ଡେଟ ଦୀର୍ଘ ସମୟ ଧରି ଅଟକି ରହିଥିଲା ​। ବର୍ତ୍ତମାନ ଏହାର ରିଲିଜ୍ ଡେଟ୍ ନିର୍ମାତାମାନେ ଘୋଷଣା କରିଛନ୍ତି। ଫିଲ୍ମ ମୈଦାନ ଆସନ୍ତା ଇଦ୍ ତଥା ଏପ୍ରିଲ୍ 2024 ରେ ମୁକ୍ତିଲାଭ କରିବ । ଅଜୟଙ୍କ ଏହି ଫିଲ୍ମକୁ ଟକ୍କର ଦେବ ବଲିଉଡ ଖିଲାଡ଼ି ଅକ୍ଷୟ କୁମାର ଏବଂ ଟାଇଗର ଶ୍ରଫଙ୍କ ଷ୍ଟାରର ଫିଲ୍ମ 'ବଡେ ମିୟାଁ ଛୋଟେ ମିୟାଁ' । ତେବେ ମୈଦାନର ରିଲିଜ୍ ଡେଟ ଅନେକ ଥର ବାତିଲ କରାଯାଇଥିବା ବେଳେ ଶେଷରେ ତାହାର ତାରିଖ ଘୋଷଣା କରାଯାଇଛି । ଗତଥର ଅଜୟ ଦେବଗନଙ୍କ ଫିଲ୍ମ ୨୦୨୩ ଜୁନ ମାସରେ ରିଲିଜ ହେବା ନେଇ ପୋଷ୍ଟ କରିଥିଲେ। କିନ୍ତୁ ବର୍ତ୍ତମାନ ଫିଲ୍ମ ଇଦ୍ ଅବସରରେ ମୁକ୍ତିଲାଭ କରିବ ବୋଲି ସୂଚନା ମିଳିଛି।

ଏହି ଫିଲ୍ମ ଜଣେ ବ୍ୟକ୍ତିଙ୍କ ପ୍ରକୃତ କାହାଣୀ ନେଇ ପ୍ରସ୍ତୁତ କରାଯାଇଛି । ଯିଏ ଭାରତ ପାଇଁ ଏପରି ଇତିହାସ ଏବଂ ରେକର୍ଡ ସୃଷ୍ଟି କରିଥିଲେ । ଯାହା କି ବର୍ଷବର୍ଷ ପରେ ମଧ୍ୟ ଆମେ ବିଶ୍ବର ସର୍ବାଧିକ ଖେଳାଯାଇଥିବା କ୍ରୀଡ଼ାରେ ସେହି ସଫଳତା ସହ ମେଳ କରିପାରିଲୁ ନାହିଁ । ଏହି ଫିଲ୍ମରେ ଅଜୟ ଦେବଗନଙ୍କୁ ଏକ ଫୁଟବଲ ପ୍ରଶିକ୍ଷକ ସେୟଦ ଅବଦୁଲ୍ଲ ରହିମଙ୍କ ଭୂମିକାରେ ଦେଖିବାକୁ ମିଳିବ । ଯିଏ ୧୯୫୨ ରୁ ୧୯୬୨ ପର୍ଯ୍ୟନ୍ତ ଫୁଟବଲ କୋଚ ଥିଲେ । ଅଜୟ ଦେବଗନଙ୍କ ବ୍ୟତୀତ ଦକ୍ଷିଣ ଅଭିନେତ୍ରୀ ପ୍ରିୟମଣି, ଗଜରାଜ ରାଓ ଏବଂ ଦକ୍ଷିଣ ଅଭିନେତ୍ରୀ କୀର୍ତ୍ତି ସୁରେଶଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ । ଏହି ଫିଲ୍ମରେ ଆର୍ ରେହମାନ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି । ଯଦିଓ ଏହି ଚଳଚ୍ଚିତ୍ରର ରିଲିଜ୍ ତାରିଖ ଅନେକ ଥର ସ୍ଥଗିତ ରଖାଯାଇଛି, ଏବେ କୁହାଯାଉଛି ଯେ ଫିଲ୍ମ ଚଳିତ ବର୍ଷ ଏପ୍ରିଲରେ ମୁକ୍ତିଲାଭ କରିବ ।