Manuka Honey Health Benefits: आजपर्यंत आपण मधमाश्यांनी तयार केलेलं मध वापरत आलो आहेत. परंतु आता बाजारात मनुका मधानं आपला ठस्सा कायम केलाय. मधमाश्या विविध फुलांवर बसून परागकण गोळा करत त्यापासून मध तयार करतात. परंतु मनुका मध वनस्पतीच्या रसापासून बनवलेला अर्ध अपारदर्शक, मलईदार पदार्थ आहे. मनुका वनस्पती एक फुलांचं झुडूप असून ते प्रामुख्यानं ऑस्ट्रेलिया आणि न्यूझीलंडमध्ये आढळतं.
न्यूझीलंड आणि ऑस्ट्रेलिया, आग्नेय आशियामध्ये वाढणाऱ्या चहाच्या झाडाच्या (लेप्टोस्पर्मम स्कोपेरियम) फुलांपासून अमृत गोळा करून या प्रकारचं मध तयार केलं जातं. ते काहीसे तेलकट असते.
ते इतके खास का आहे?मनुका मधामध्ये मिथाइलग्लायॉक्सल नावाचा सक्रिय घटक असतो. हा घटक बॅक्टेरियाच्या वाढीस प्रतिबंध करणारं आहे. त्यात अँटीव्हायरल गुणधर्म देखील आहेत. ज्यामुळे घसा खवखवणं बंद करते आणि त्वचा ताजी आणि कोमल ठेवते.
ते सामान्य मधापेक्षा वेगळे कसे आहे?नियमित मधाच्या उलट, मनुका नावाच्या फुलांच्या रसापासून तयार केला जातो. त्यात आवश्यक खनिजे, अँटिऑक्सिडंट्स आणि जीवनसत्त्व भरपूर प्रमाणात असतात. यामध्ये असलेले औषधी गुणधर्म स्तनाचा कर्करोग रोखण्यासाठी उपयुक्त ठरू शकतात, असं संशोधकांचं म्हणणे आहे.
स्तनाच्या कर्करोगाच्या प्रतिबंधासाठी उपयुक्त :अलीकडेच केलेल्या एका अभ्यासातअसं दिसून आलं की, मनुका मधामध्ये बॅक्टेरियाच्या वाढीस प्रतिबंध करणारे पदार्थ आणि अँटीऑक्सिडंट गुणधर्म आहेत. तज्ज्ञांचं म्हणणं आहे की, हे बॅक्टेरिया नष्ट करण्यासोबतच शरीरावरील सूज कमी करते. अलीकडे, कॅलिफोर्निया विद्यापीठ, लॉस एंजेलिस (UCLA) द्वारे केलेल्या प्राथमिक संशोधनात असं दिसून आलं आहे की, मनुका मध स्तनाच्या कर्करोगाच्या प्रतिबंधात्मक उपचारांमध्ये मदत करू शकते. डॉ. डायना मार्केझ गरबान यांनी हा अभ्यास केला आहे. यामुळे पारंपरिक केमोथेरपीला नैसर्गिक, कमी विषारी पर्यायी उपचार विकसित होण्याची आशा निर्माण झाली आहे. कर्करोगाच्या उपचारात नैसर्गिक रासायनिक संयुगांचे फायदे पूर्णपणे समजून घेण्यासाठी पुढील संशोधन होणे आवश्यक आहे. मार्केझ गार्बन यांनी विश्वास व्यक्त केला की, हा अभ्यास भविष्यातील संशोधनासाठी मजबूत पाया ठरेल.
प्रयोगाबद्दल काय?:इस्ट्रोजेन रिसेप्टर पॉझिटिव्ह, ट्रिपल निगेटिव्ह (ज्यामध्ये पेशींना कोणतेही रिसेप्टर्स नसतात) संशोधकांनी प्रयोगशाळेत कर्करोगाच्या पेशी वाढवल्या. काही पेशींवर मनुका मध आणि मनुका मध पावडरने उपचार करण्यात आले. संशोधकांना असं आढळून आलं की, जेव्हा टॅमॉक्सिफेन, मोठ्या प्रमाणावर वापरले जाणारे अँटी-इस्ट्रोजेन उपचार, मनुका मधाच्या संयोगाने वापरण्यात आले, तेव्हा ईआर-पॉझिटिव्ह स्तनाच्या कर्करोगाच्या पेशींचा प्रसार लक्षणीयरीत्या कमी झाला. पेशींचा बारकाईने तपास केल्यावर असं दिसून आलं की, मधामुळे रक्तातील इस्ट्रोजेनचं प्रमाण आणि पेशींमधील रिसेप्टर्स कमी झाले आहेत. शिवाय, ट्यूमर पेशी स्वतःहून मरण्यास प्रवृत्त झाल्यामुळे कर्करोगाच्या वाढीची प्रक्रिया देखील विस्कळीत होते. नंतर संशोधकांनी उंदरांवर अभ्यास केला. मानवी ईआर पॉझिटिव्ह स्तन पेशी उंदरांमध्ये तयार करण्यात आल्या आणि ट्यूमर वाढू दिला. त्यानंतर काहींना मनुका मध देण्यात आले. सामान्य उंदरांच्या तुलनेत मध पिणाऱ्या उंदरांमध्ये ट्यूमरची वाढ लक्षणीयरीत्या कमी झाल्याचे संशोधकांना आढळले. निरोगी पेशींना हानी न पोहोचवता मानवी स्तनाच्या कर्करोगाच्या ट्यूमरची वाढ आणि प्रसार 84% पर्यंत कमी झालेली दिसली.