वजन कमी करायचय; एक किलो वजन कमी करण्यासाठी तुम्हाला इतकं चालावं लागेल... - Health Tips

Health Tips : जेव्हा तुमचं वजन वाढतं तेव्हा लोक तुम्हाला चालण्याचा सल्ला देतात. लोकांचा असा विश्वास आहे की, चालणं वजन कमी करण्यास मदत करतं आणि एक प्रकारे ते योग्य देखील आहे. पण प्रश्न पडतो की, एक किलो वजन कमी करायचं असेल तर किती किलोमीटर चालावं लागेल. चला तर मग या प्रश्नाचं उत्तर काय आहे ते पाहूयात.

हैदराबाद Health Tips: 'लठ्ठपणा' ही एक समस्या आहे जी आजकाल खूप सामान्य झालीय. वजन कमी करण्यासाठी लोक काय करतात? सकाळी लवकर उठणं आणि फेरफटका मारणं किंवा चालणं हे त्यापैकी एक आहे. आपण बहुतेक लोकांकडून ऐकलं असेल की, चालणं वजन कमी करण्यास मदत करते. पण खूप चालल्यानं तुमचं वजन किती कमी होईल हे तुम्हाला कोणी सांगितलं आहे का? येथे आम्ही तुम्हाला एक किलो वजन कमी करण्यासाठी किती किलोमीटर चालावं लागेल हे सांगणार आहोत.

काही शास्त्रीय तथ्य :

• वजन कमी होणं तीन घटकांवर अवलंबून असतं. किती किलोमीटर चालायचं हे शरीराच्या वजनाच्या आधारे ठरवलं जातं.
• शरीराच्या वजनासोबत, चालण्याची तीव्रता हा आणखी एक घटक आहे. ज्याचा वजन कमी करण्यावर मोठा प्रभाव पडतो. सामान्य चालणं असो किंवा वेगानं चालणं असो, त्यामुळं वजन कमी होऊ शकतं.
• तिसरं म्हणजे चयापचय क्षमता. हे व्यक्तीपरत्वे बदलतं. वैद्यकीय तज्ज्ञांचं म्हणणं आहे की, एखाद्या व्यक्तीला एक किलो वजन कमी करण्यासाठी सुमारे 7,000 कॅलरीज बर्न करणं आवश्यक आहे.

काय आहे गणित :तज्ज्ञांच्या मते, जर सामान्य व्यक्ती एक किलोमीटर चालत असेल तर ती सुमारे 0.4 कॅलरीज ते 0.5 कॅलरीज खर्च करते. या आधारावर, 70 किलो वजनाची व्यक्ती एक किलोमीटर चालत असताना सुमारे 28 ते 35 कॅलरीज बर्न करेल. अशा परिस्थितीत शरीरातील एक किलो चरबी जाळण्यासाठी त्या व्यक्तीला सुमारे 7,000 कॅलरीज बर्न कराव्या लागतील. अशा परिस्थितीत एक किलो चरबी जाळण्यासाठी माणसाला सुमारे 200 ते 250 किलोमीटर चालावे लागेल. पण जेव्हा एखादी व्यक्ती त्याच्या खाण्यापिण्याच्या सवयी आणि इतर बाबींमध्ये कोणताही बदल न करता एकाच वेळी 200 ते 250 किलोमीटर चालते, अशा परिस्थितीत ही पद्धत उपयुक्त ठरेल. हे अनेक किलोमीटर म्हणजे अंदाजे 2,50,000 ते 3,12,500 फूट. तासांमध्ये मोजले तर, व्यक्तीला ताशी 5 किलोमीटर चालावे लागेल आणि 40 ते 50 तास सतत चालावे लागेल, तरच तो एक किलोग्रॅम वजन कमी करू शकेल.

वजन कमी करण्याचे इतर मार्ग
आता सामान्य माणसाला दिवसाला 200 ते 250 किलोमीटर चालणं शक्य नाही, मग काही किलोमीटर चालून वजन कसं कमी होणार? चला तर मग आम्ही तुम्हाला यावर उपाय देखील सांगतो.

1. नियमित चाला.
2. कमी कॅलरीच अन्न खा.
3. व्यायाम करायला विसरू नका.
4. जेवल्यानंतर चालण्याची सवय लावा.
5. शरीराला पुरेसे पाणी देत ​​राहा.
6. लिफ्टचा वापर शक्यतो टाळा आणि पायऱ्या वापरा.

हेही वाचा -