मसाबानं गरोदरपणाची घोषणा केल्यानंतर आजी नीना गुप्ताचा आनंद गगनात मावेना - Masaba announces pregnancy

Masaba announces pregnancy : नीना गुप्ता आजी होणार असल्यामुळं तिला गगन ठेंगणं वाटू लागलंय. तिची मुलगी मसाबा आणि जावई सत्यदीप मिश्रा आई वडील होणार आहेत. या जोडप्यानं गरोदरपणाची घोषणा केल्यानंतर नीनानंही एक सुंदर पोस्ट लिहून आनंद व्यक्त केला आहे.

मुंबई - Masaba announces pregnancy : वेस्ट इंडिजचा आक्रमक माजी क्रिकेटपटू विव्हियन रिचर्ड्सची मुलगी आणि फॅशन डिझायनर मसाबा गुप्ता पहिल्या मुलाची आई होणार आहे. मसाबा आणि तिचा पती सत्यदीप मिश्रा यांच्या घरी पाळण्याची तयारी सुरू झाली आहे. या जोडप्यानं गुरुवारी इंस्टाग्रामवर संयुक्त पोस्टमध्ये ही बातमी शेअर केली. "दोन छोटी पावलं आमच्या दिशेने येत आहेत. कृपया त्याच्यासाठी प्रेम, आशीर्वाद आणि केळ्यांचे चीप्स ( फक्त खारे ) पाठवा. बाळ येत आहे आणि आम्ही आई बाबा होणार आहोत.", अशा एका क्रिएटिव्ह मजकुरासह आकर्षक पोस्ट त्यांनी शेअर केली आहे. यानंतर मसाबाची आई आणि ज्येष्ठ अभिनेत्री नीना गुप्ता यांनी ही पोस्ट पुन्हा शेअर केली आहे.

आजी होण्यासाठी उत्सुक असलेली ज्येष्ठ अभिनेत्री नीना गुप्ता हिने आपला आनंद एका पोस्टमधून व्यक्त केला आहे. इन्स्टाग्रामवर तिनं हिंदीमध्ये लिहिलंय, "हमारे बच्चों का बच्चा आने वाला है. इससे जादा खुशी की बात क्या हो सकती है."

नीना गुप्ता आणि मसाबाने पोस्ट शेअर केल्यानंतर लगेचच फिल्म इंडस्ट्रीतील अनेक सहकलाकार आणि चाहत्यांनी अभिनंदन करायला सुरुवात केली आहे. करीना कपूर खान, आलिया भट्ट, परिणीती चोप्रा, अनन्या पांडे आणि क्रिती सॅनन यांच्यासह अनेक सेलिब्रिटींनी कमेंट सेक्शनमध्ये शुभेच्छा दिल्या आहेत. करीनानं मसाबाला आई होत असल्याबद्दल अभिनंदन केलं आणि सत्यदीप मिश्रालाही सदिच्छा दिल्या. आलिया भट्टनेही हार्ट इमोजीस अभिनंदन केलं.

सत्यदीप मिश्रा याचं पूर्वी अदिती राव हैदरीशी लग्न झालं होतं आणि मसाबाचे पूर्वी मधु मंतेनाशी लग्न झालं होतं. आदितीने आता अभिनेता सिद्धार्थशी लग्न केलं आहे, तर मधु मंतेनानं इरा त्रिवेदीशी लग्न केलंय. मसाबा आणि सत्यदीप मिश्रा यांनी जानेवारी 2023 मध्ये विवाह केला. मसाबा ही एक प्रसिद्ध अभिनेत्री आणि फॅशन डिझायनर आहे.

दुसऱ्या बाजूला, सत्यदीप मिश्रानं 'नो वन किल्ड जेसिका' या चित्रपटातून बॉलिवूडमध्ये पदार्पण केलं होतं. तो पूर्वी व्यावसायिक वकील म्हणून कार्यरत होता. 'विक्रम वेधा' या चित्रपटात तो अखेरचा झळकला होता. मसाबा आणि सत्यदीप शर्मा यांची पहिली भेट 2020 मध्ये तिच्या 'मसाबा मसाबा' शोच्या सेटवर झाली होती.

हेही वाचा -