മേപ്പാടി സ്‌കൂളില്‍ നടന്ന പ്രവേശനോത്സവം (ETV Bharat)
വയനാട്: കാറും കോളും ഒരുവിധം കെട്ടടങ്ങി... വെള്ളാർമല സ്‌കൂളിലെയും മുണ്ടക്കൈ സ്‌കൂളിലെയും കുട്ടികൾ മേപ്പാടിയിലെത്തി. മേപ്പാടി ഗവ. ഹയർസെക്കൻഡറി സ്‌കൂളിൽ അതിജീവനത്തിന്‍റെ മണിയടിച്ചു. ദുരന്തമുഖത്തെ അതിജീവിച്ചവർ വീണ്ടും ക്ലാസുകളിലേക്ക്.
അതിജീവനത്തിന്‍റെ ആദ്യ പാഠങ്ങളുമായ്‌ വയനാട് ദുരന്തബാധിത മേഖലകളിലെ കുട്ടികൾക്കായി മേപ്പാടി സ്‌കൂളിൽ പ്രവേശനോത്സവം നടന്നു. ദുരന്തത്തിൽ തകർന്ന മുണ്ടക്കൈ, വെള്ളാർമ്മല സ്‌കൂളുകളിലെ 614 വിദ്യാർഥികളാണ്‌ ഇന്ന് മേപ്പാടി ഗവ ഹയർ സെക്കണ്ടറി സ്‌കൂളിലെത്തിയത്.