കോട്ടയം:സംഗീതവും ചിത്രകലയും കൊണ്ട് ഒരുപോലെ അനുഗ്രഹിക്കപ്പെട്ട ഒരു കലാകാരനുണ്ട് കോട്ടയത്ത്. ചാലുകുന്ന് സ്വദേശിയായ വിനോദ് ഫ്രാന്‍സിസ്. വിനോദിന്‍റെ തൂലികത്തുമ്പിൽ ആരെയും ആകർഷിക്കുന്ന ചിത്രങ്ങള്‍ വിരിയുമ്പോള്‍ പശ്ചാത്തല സംഗീതമായി അദ്ദേഹത്തിന്‍റെ സംഗീതവുമുണ്ടാകും.
പാട്ട് പാടിക്കൊണ്ട് ചിത്രം വരയ്ക്കുന്നതാണ് വിനോദിനെ വ്യത്യസ്‌തനാക്കുന്നത്. ചിത്രകലയ്ക്ക് ഒപ്പം സംഗീതവും പഠിച്ച വിനോദ്, കർണാടക സംഗീത കീർത്തനം പാടിയാണ് തന്‍റെ കാന്‍വാസ് മനോഹരമാക്കുന്നത്. പ്രകൃതിദൃശ്യങ്ങളാണ് വിനോദിൻ്റെ സൃഷ്‌ടികളിലധികവും.
ചിത്രംവരയും കർണാടക സംഗീതവും സമന്വയിപ്പിച്ചൊരു കലാകാരന്‍ (ETV Bharat)
കോട്ടയത്തും പരിസര പ്രദേശത്തും കണ്ട നയന മനോഹര കാഴ്‌ചകള്‍ പെൻസിൽ ഡ്രോയിങിലൂടെ വിനോദ് കാന്‍വാസിൽ പകർത്തും. ഒപ്പം പാലക്കാടൻ ഗ്രാമീണ ദൃശ്യങ്ങളും ചിത്രീകരിച്ചിട്ടുണ്ട്. പെൻസിൽ ഡ്രോയിങിന് പുറമെ വാട്ടർകളർ പെയിന്‍റിങിലും പരീക്ഷണം നടത്തയിട്ടുണ്ട് ഈ കലാകാരന്‍.