മുലപ്പാല്‍ കുടിക്കുന്നതിനിടെ അസ്വസ്ഥത; പതിനെട്ട് ദിവസം പ്രായമുള്ള കുഞ്ഞ് മരിച്ചു

പാല്‍കുടിക്കുന്നതിനിടെ അസ്വസ്ഥത പ്രകടിപ്പിച്ചു. പതിനെട്ട് ദിവസം പ്രായമുള്ള കുഞ്ഞ് മരിച്ചു.

ഇടുക്കി: കട്ടപ്പന മുളകരമേട്ടിൽ പാൽ കുടിക്കുന്നതിനിടെ അസ്വസ്ഥത പ്രകടിപ്പിച്ച 18 ദിവസം പ്രായമായ കുഞ്ഞ് മരണപ്പെട്ടു. കട്ടപ്പന മുളകരമേട് പുത്തൻപുരയിൽ ആഷിഷ് -നിമ്മി ദമ്പതികളുടെ മകനാണ് മരിച്ചത്.

ഇന്ന് വൈകിട്ടോടെയായിരുന്നു സംഭവം. പാൽ കുടിക്കുന്നതിനിടെ ശാരീരിക ബുദ്ധിമുട്ട് പ്രകടിപ്പിച്ച കുട്ടിയെ ഉടൻതന്നെ കട്ടപ്പനയിലെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പാൽ തൊണ്ടയിൽ കുടുങ്ങിയതാകാം മരണകാരണമെന്നാണ് പ്രാഥമിക നിഗമനം. കട്ടപ്പന പൊലീസ് മേൽനടപടി സ്വീകരിച്ചു. സംസ്കാരം പിന്നീട്.