കെഎസ്ഇബിക്ക് 10,000 കോടിയിലധികം കടബാധ്യതയെന്ന് വൈദ്യുതി മന്ത്രി
തിരുവനന്തപുരം : യൂണിറ്റിന് 4.29 പൈസയ്ക്ക് പുറത്തുനിന്ന് വൈദ്യുതി വാങ്ങിയിരുന്ന കരാർ റദ്ദാക്കിയത് റെഗുലേറ്ററി കമ്മീഷനാണെന്ന് വൈദ്യുതി മന്ത്രി കെ കൃഷ്‌ണൻ കുട്ടി. നിയമസഭയിൽ ചോദ്യോത്തരവേളയിൽ മറുപടി പറയുകയായിരുന്നു മന്ത്രി. കെഎസ്ഇബിക്ക് 10,000 കോടിയിലധികം രൂപയാണ് കടബാധ്യതയെന്നും മന്ത്രി പറഞ്ഞു (Regulatory Commission).
സാമ്പത്തിക കുടിശ്ശിക 8347.47 കോടി രൂപയാണ്. ഇതിൽ 2470 കോടി രൂപ വാട്ടർ അതോറിറ്റിയുടെ മാത്രം കുടിശ്ശികയാണ്. സർക്കാർ വകുപ്പുകളുടെ കുടിശ്ശിക പിരിക്കാൻ മുഖ്യമന്ത്രിയുടെ അധ്യക്ഷതയിൽ യോഗം ചേർന്നിട്ടുണ്ട്. കുടിശ്ശിക പിരിക്കാനുള്ള നടപടികൾ സ്വീകരിച്ച് വരുന്നു. വൈദ്യുതി വകുപ്പിന്‍റെ സാമ്പത്തിക പ്രതിസന്ധി പഠിച്ച് റിപ്പോർട്ട് സമർപ്പിക്കാൻ അഡിഷണൽ ചീഫ് സെക്രട്ടറിയെ ചുമതലപ്പെടുത്തിയിട്ടുണ്ട്.