ETV Bharat Kerala

കേരളം

kerala

KALOLSAVAM-2025

ETV Bharat / state

നാഗ ദൈവങ്ങളായി മാറുന്ന ചിത്രകൂടക്കല്ലുകൾ; പുതുതലമുറ തഴയുന്ന ദൈവിക ശിൽപകലയെ താങ്ങിനിര്‍ത്തി സുഹൃത്തുക്കള്‍ - CHITHRAKKOODAKKALLU MAKING

ചിത്രകൂടക്കല്ലുണ്ടാക്കുന്നത് ചെങ്കല്ല് കൊത്തി. പാകമായ കല്ല് കണ്ടെത്തുക പ്രയാസം.

CHITHRAKKOODAKKALLU FOR TEMPLES  HOW TO MAKE CHITHRAKKOODAKKALLU  WHAT IS CHITHRAKKOODAKKALLU  ചിത്രകൂടക്കല്ല് നിര്‍മാണം
Chithrakkoodakkallu (ETV Bharat)
author img

By ETV Bharat Kerala Team

Published : Jan 30, 2025, 6:15 PM IST

കോഴിക്കോട് : നാഗാരാധന നിലനിൽക്കുന്ന കാവുകളിലെയും ക്ഷേത്രങ്ങളിലെയും നാഗ പ്രതിഷ്‌ഠാ സങ്കല്‍പമാണ് ചിത്രകൂട കല്ല്. ചെങ്കല്ലിൽ തീർത്ത ഈ ചിത്രകൂടക്കല്ലാണ് സർപ്പ ഗൃഹമായി അറിയപ്പെടുന്നത്. എന്നാൽ ഈ ചിത്രകൂടക്കല്ല് അപൂർവം ചിലർ മാത്രമാണ് ഇന്ന് നിർമിക്കുന്നത്. അങ്ങനെയുള്ള രണ്ടുപേരുണ്ട് കോഴിക്കോട് പന്തീരാങ്കാവിൽ.

സുജയ്‌കുമാർ, മധു എന്നിവരാണ് കഴിഞ്ഞ 22 വർഷമായി തച്ചുശാസ്ത്ര വിധി അനുസരിച്ച് ചിത്രകൂടക്കല്ല് നിർമിക്കുന്നത്. നാല് ഭാഗങ്ങളാണ് ചിത്രകൂടക്കല്ലിന് ഉണ്ടാവുക. ആദ്യം ആധാരക്കല്ല്, പിന്നെ നടുക്കല്ല്, അതിനുമുകളിലായി കുടക്കല്ലും ഏറ്റവും മുകളിൽ സ്ഥൂപിക അഥവാ പൂക്കല്ലും.

നാഗ ദൈവങ്ങളായി മാറുന്ന ചിത്രകൂടക്കല്ലുകൾ (ETV Bharat)

ഓരോന്നിനും മുകളിൽ ഓരോ കല്ലുകൾ ചേർത്തുവയ്‌ക്കുമ്പോൾ അത് ചിത്രകൂടക്കല്ലായി മാറും. ഈ ചിത്ര കൂടക്കല്ലിൽ ഒരു ചെറിയ ദ്വാരമുണ്ടാകും അതിന് പ്രാണധ്വാരം അഥവാ യോഗനാളം എന്ന് പറയും. കാവുകളിലെയും ക്ഷേത്രങ്ങളിലെയും
ആവശ്യമനുസരിച്ചാണ് ചിത്രകൂടക്കല്ല് നിർമിച്ചു നൽകുന്നത്. എന്നാൽ കണക്കൊത്ത ചെങ്കല്ല് കണ്ടെത്തുക വലിയ പ്രയാസമാണ്.

ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക

കല്ല് വെട്ടിയെടുക്കുന്ന ഇടങ്ങളിൽ വച്ച് തന്നെയാണ് ചിത്രകൂടക്കല്ലിൻ്റെ നിർമാണവും. പാരമ്പര്യ ഉപകരണങ്ങൾ ഉപയോഗിച്ചാണ് ചിത്രകൂടക്കല്ലിൻ്റെ ഓരോ ഭാഗങ്ങളും കൊത്തിയെടുക്കുന്നത്. ഓരോ ചിത്രകൂടക്കല്ലും പൂർത്തിയാക്കുന്നത് വരെ കഠിനമായ ചിട്ടവട്ടങ്ങളും ഇരുവർക്കുണ്ട്.

ചിത്രകൂടക്കല്ലിന് പുറമേ ഭൂതക്കല്ലും ഇവര്‍ നിർമിക്കുന്നുണ്ട്. തങ്ങളുടെ കരവിരുതിൽ രൂപപ്പെട്ട് വരുന്ന ചിത്രകൂടക്കല്ല് ഭക്തരുടെ ദൈവിക പ്രതീകമായി മാറുമ്പോൾ വലിയ ആത്മ സംതൃപ്‌തിയാണ് ഇരുവർക്കും ലഭിക്കുന്നത്. പുതിയ തലമുറ കടന്നുവരാൻ മടിക്കുന്ന ഈ ദൈവിക ശിൽപകല ഇനിയും തുടരാനാണ് ഇവരുടെ തീരുമാനം.

Also Read:അമിത് ഷായ്ക്ക് പിന്നാലെ മോദിയും കണ്ണൂരിൽ എത്തുമോ?; പ്രൗഡിയോടെ രാജരാജേശ്വര ക്ഷേത്രം

ABOUT THE AUTHOR

...view details