സൂര്യ ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ഫാൻ്റസി ത്രില്ലറാണ് 'കങ്കുവ'. 2024 ഒക്‌ടോബര്‍ 10നാണ് 'കങ്കുവ' റിലീസ് ചെയ്യുക. റിലീസിനോടടുക്കുമ്പോള്‍ സിനിമയുടെ ചിത്രങ്ങളും ഗ്ലിംപ്‌സുകളും കൊണ്ട് നിറയുകയാണ് സോഷ്യല്‍ മീഡിയ. ഇപ്പോഴിതാ സിനിമയുടെ ട്രെയിലര്‍ റിലീസ് സംബന്ധിച്ച പുതിയ അപ്‌ഡേറ്റാണ് പുറത്തു വരുന്നത്.
ഓഗസ്‌റ്റ് 12ന് 'കങ്കുവ' ട്രെയിലര്‍ റിലീസ് ചെയ്യും. നിർമ്മാതാക്കൾ ഇക്കാര്യം സോഷ്യല്‍ മീഡിയയിലൂടെ ഔദ്യോഗികമായി സ്ഥിരീകരിച്ചു. 'കങ്കുവ'യിലെ സൂര്യയുടെ ഒരു പ്രത്യേക പോസ്‌റ്ററിനൊപ്പമാണ് പ്രൊഡക്ഷൻ ഹൗസായ സ്‌റ്റുഡിയോ ഗ്രീൻ ഇന്‍സ്‌റ്റഗ്രാമില്‍ പങ്കുവച്ചത്. തീര്‍ത്തും വ്യത്യസ്‌തമായ ലുക്കിലാണ് പോസ്‌റ്ററില്‍ സൂര്യ പ്രത്യക്ഷപ്പെട്ടിരിക്കുന്നത്.
"കാത്തിരിപ്പ് അവസാനിക്കുന്നു! ഒരു ആഘോഷത്തിന് തയ്യാറാകൂ. ഓഗസ്‌റ്റ് 12 മുതൽ 'കങ്കുവ' ട്രെയിലര്‍ നിങ്ങളുടേതാകാൻ എല്ലാം തയ്യാറായിക്കഴിഞ്ഞു." -ഇപ്രകാരമാണ് നിര്‍മാതാക്കള്‍ കുറിച്ചത്.