हैदराबाद Benefits of steam : स्त्री असो वा पुरुष प्रत्येकाला स्किन टॅनिंग आणि अतिरिक्त तेलकट चेहरा या समस्येला सामोरं जावं लागतं. तसंच जेव्हा घाम जास्त वेळ चेहऱ्यावर राहतो तेव्हा त्यामुळं त्वचेचे आजार आणि मुरुमं होण्याची शक्यता वाढते. अशा परिस्थितीत तुम्ही घरगुती उपायांच्या मदतीनं चेहऱ्याच्या समस्या कमी करू शकता. जर तुम्हाला चेहऱ्याच्या समस्या लवकर दूर करायच्या असतील तर तुम्ही स्टीम घेऊ शकता. नियमितपणे वाफ घेतल्यानं तुमच्या चेहऱ्यावरची छिद्रं उघडतात आणि चेहऱ्याच्या आत खोलवर साचलेली घाण निघून जाते. तसंच चेहरा चमकू लागतो. तुम्हालाही तुमचा चेहरा स्वच्छ आणि डागरहित बनवायचा असेल तर तुम्ही वाफ घेऊ शकता. वाफ घेण्याचे काही फायदे पुढीलप्रमाणे :
चेहऱ्यावरील छिद्रं मोकळी होतात : वाफ घेतल्यानं चेहऱ्यावरील छिद्रं उघडतात आणि चेहऱ्यावर जमा झालेली अतिरिक्त घाण साफ होते. सेबम सेबेशियस ग्रंथीद्वारे स्राव होतो. सेबम चेहऱ्याचं तेल आहे आणि जास्त सेबममुळं चेहऱ्यावर मुरुमांची समस्या उद्भवते.
हायड्रेट त्वचा : त्वचेच्या हायड्रेशनसाठी तुम्ही चेहऱ्यावर स्टीम घेऊ शकता. हायड्रेटेड राहिल्यानं त्वचेची लवचिकता टिकून राहते. चेहऱ्याला मॉइश्चरायझ करण्यासाठी तुम्ही मॉइश्चरायझिंग क्रीम वापरू शकता, पण त्वचा हायड्रेट करण्यासाठी तुम्हाला पुरेसं पाणी प्यावं लागेल किंवा चेहऱ्यावर स्टीम घ्यावी लागेल.
मुरुमं कमी करण्यासाठी उपयुक्त : जेव्हा चेहऱ्यावरील छिद्रात जास्त सेबम आणि घाण जमा होऊ लागतो तेव्हा चेहऱ्यावर मुरुमं होतात. पण जेव्हा तुम्ही वाफ घेता तेव्हा चेहऱ्यावरची छिद्रं उघडतात आणि अतिरिक्त सीबम आणि घाण निघून जाते. अशाप्रकारे तुमच्या चेहऱ्यावरील पिंपल्स हळूहळू बरे होऊ लागतात.