यवतमाळ - वणी-मारेगाव मार्गावरिल निंबाळा फाट्याजवळ ट्रक-दुचाकीचा भीषण अपघात झाला. यात दुचाकीसह दुचाकीस्वार जळुन खाक झाल्याची खळबळ जनक घटना घडली. दिपक शियाराम केवट(२१ रा.राजुर कॉलनी)असे मृत युवकाचे नाव आहे.
दिपक आपली दुचाकी (एमएच २९ एमएच ८८०२) या गाडीने राजुर वरुव मारेगावकडे जात असता निंबाळा फाट्याजवळ मारेगावकडुन भरधाव येणाऱ्या ट्रकची (एमएच ४३ ई ५९५१) गाडीला जोरदार धडक बसली. या अपघातात दिपक शिवराम केवट हा युवक जागीच ठार झाला. अपघात इतका भीषण होता की अपघातात दुचाकीला आग लागल्यामुळे दुचाकीसह दुचाकीस्वार जागीच जळुन खाक झाल्याची घटना घडली.
या घटनेची माहीती वणी पोलीसांना मिळताच सहा. पोलीस निरीक्षक काकडे, डिबी पथकाचे सुनिल खंडागळे, सुधिर पांडे यांचेसह पोलीस कर्मचारी घटना स्थळावर दाखल झाले. घटनेचा पंचनामा करुन मृतदेह शवविच्छेदनासाठी वणीच्या ग्रामिण रुग्णालयात दाखल केले असुन पुढिल तपास वणी पोलीस करत आहे.