सोलापूर- महाराष्ट्राचे राज्यपाल भगतसिंह कोश्यारी हे दोन दिवसांसाठी जिल्ह्याच्या दौऱ्यावर येणार आहेत. त्याच्या हस्ते आज पुण्यश्लोक आहिल्यादेवी होळकर सोलापूर विद्यापीठात आयोजित 23 व्या राज्यस्तरीय आंतर विद्यापीठ क्रीडा महोत्सवाचे उद्घाटन होणार आहे. तर, शुक्रवारी पदवीदान समारंभ राज्यपालांच्या उपस्थितीमध्ये पार पडणार आहे.
आज सकाळी साडेदहा वाजता विद्यापीठात राज्यपाल कोश्यारी यांच्या हस्ते क्रीडा महोत्सवाचे उद्घाटन होणार आहे. या महोत्सवासाठी राज्यभरातील साडे तीन हजार खेळाडू आणि त्यांचे संघ व्यवस्थापक विद्यापीठात दाखल झाले आहेत. यावेळी अध्यक्षस्थानी कुलगुरू डॉ. मृणालिनी फडणवीस उपस्थित असणार आहेत. याप्रसंगी विद्यापीठाचे प्रभारी कुलगुरू डॉ. विकास कदम, कुलसचिव डॉ. विकास घुटे, क्रीडा विभागाचे संचालक डॉ. सुरेश पवार यांची प्रमुख उपस्थिती राहणार आहे.