नागपूर- पाणी-पुरी खाऊन झाल्यानंतर पैसे देण्याच्या वादातून झालेल्या तुफान हाणामारीचा व्हिडिओ सध्या सोशल मीडियावर व्हायरल झाला आहे. ही घटना नागपूरच्या खरबी चौक परिसरात घडली. या घटनेत पाणी-पुरी विक्रेता थोडक्यात बचावला आहे. खरबी पोलिसांनी या प्रकरणी गुन्हा नोंद केला असून आरोपी इम्रान रमजान अली याला अटक केली आहे. तर इतर आरोपींचा शोध सुरू आहे.
हाणामारी दरम्यानचा दृश्य
नागपूरच्या खरबी चौकात अरविंद ठाकूर नावाचा तरुण पाणी-पुरीचा ठेला चालवतो. येथे इम्रान रमजान अली नावाचा व्यक्ती दारू पिऊन पाणी-पुरी खाण्यासाठी आला होता. पाणीपुरी खाऊन झाल्यानंतर इम्रानने पैसे देण्यास नकार दिला. त्यामुळे अरविंद ठाकूर आणि इम्रान या दोघांमध्ये शाब्दिक वाद झाला. त्यानंतर या दोघांमध्ये हाणामारी देखील झाली. या घटनेत दोघेही जखमी झाले मात्र नंतर ते आपल्या कामाधंद्याला लागले.