मुंबई -एका विशिष्ट जातीचे किंवा धर्माचे युवक-युवती मेळावे अनेक वेळा पहायला मिळतात. मात्र, समाजातील जातीव्यवस्था नष्ट करण्याच्या दिशेने एक पाऊल म्हणून आज (4 जानेवारी)लग्नासाठी जाती-धर्माचा विचार न करणाऱ्या युवक-युवतींचा मेळावा पार पडला. राष्ट्र सेवा दल आणि छात्रभारती तर्फे दादरच्या राजा शिवाजी विद्यालयात या अनोख्या मेळाव्याचे आयोजन करण्यात आले होते.
साहित्यिक डॉक्टर गणेश देवी यांनी काही दिवसांपूर्वी धर्माचा विचार न करता लग्न करण्याचे आवाहन युवक-युवतींना केले होते. त्याला राज्यभरातील सुमारे पाच हजार युवक-युवतींनी प्रतिसाद दिला. मुंबईतील अशा युवक-युवतींचा संवाद मेळावा आज दादरच्या राजा शिवाजी विद्यालय येथील बी. एन. वैद्य सभागृहात पार पडला. या मेळाव्यात लग्न करताना जाती-धर्माची विचारणा न करणाऱ्याचा निर्धार केलेल्या युवक-युवतींनी उपस्थित दर्शवली होती.