बुलडाणा- शुक्रवारी 23 एप्रिल रोजी सकाळपासून एका कोविड रुग्णाला ऑक्सिजनचा बेड मिळत नव्हता. त्यामुळे बुलडाणा शहरात सैरावैरा फिरणाऱ्या रुग्णांच्या नातेवाईकाने रुग्णवाहिका थेट बुलडाणा जिल्हाधिकारी कार्यालयात दाखल केली. यावेळी स्वाभिमानीचे नेते रविकांत तुपकर यांनी जिल्हाधिकारी कार्यालय गाठले व त्या वृद्ध महिलेला बुलडाण्याच्या स्त्री कोविड रुग्णालयात ऑक्सिजन बेड उपलब्ध करून दिला. यावरून कोरोना परिस्थिती किती गंभीर आहे हे दिसून येत आहे.
सकाळी 11 वाजेपासून संध्याकाळी 4.30 वाजेपर्यंत मिळाले नाही ऑक्सिजन बेड
विदर्भ, खान्देश आणि मराठवाडा सीमेजवळ असलेल्या औरंगाबाद जिल्ह्यामधील सोयगाव तालुक्यातील मोलखेडा येथील वयोवृद्ध अनुसयाबाई गवार या महिला रुग्णाला श्वास घेण्यास त्रास होत असल्याने त्यांच्या नातेवाईकांनी त्यांना शुक्रवारी जळगाव जिल्ह्यातील बोदवड येथील ग्रामीण रुग्णालयात नेले, त्याठिकाणी रॅपिड टेस्ट केली मात्र ती निगेटिव्ह आली. मात्र त्या वृद्ध महिलेला श्वास घेण्यासाठी त्रास होत असल्याने त्याठिकाणी ऑक्सिजन बेड उपलब्ध नसल्याने त्यांना बुलडाणा येथे पाठवले, त्यामुळे शुक्रवारी सकाळी 11 वाजेपासून रुग्णांना घेवून रुग्णवाहिका बुलडाणा शहरात फिरत आहे, या दरम्यान साडेचार वाजेपर्यंत शासकीय व खाजगी 7 ते 8 रुग्णालये फिरले मात्र ऑक्सिजन बेड काही मिळाला नाही.
रुग्णवाहिका थेट जिल्हाधिकारी कार्यालयातनेताच प्रशासनात खळबळ