मुंबई - पाकिस्तानचा वेगवान गोलंदाज मोहम्मद आमिरने मागील वर्षी तडकाफडकी आंतरराष्ट्रीय क्रिकेटमधून निवृत्तीची घोषणा केली होती. आता आमिरने निवृत्ती मागे घेत पुन्हा आंतरराष्ट्रीय क्रिकेट खेळण्याचे संकेत दिले आहेत.
एका वृत्तवाहिनीला दिलेल्या मुलाखतीतीत मोहम्मद आमिर म्हणाला की, 'पाकिस्तान सुपर लीगला सुरूवात होण्याआधी पाकिस्तान क्रिकेट बोर्डाचे सीईओ वसीम खान माझ्या घरी आले होते. त्यांनी निवृत्तीबाबत माझ्याशी प्रदिर्घ चर्चा केली. आमच्यात वेगवेगळ्या विषयावरुन चर्चा झाली. यात खान यांनी माझे म्हणणे ऐकून घेतले. संघ व्यवस्थापनाने माझ्या व्यक्तव्याचाचूकीचा अर्थ काढल्याची बाब मी त्याच्या कानी घातली. तेव्हा त्यांनी मला याविषयावर मी विचार करेन असे आश्वासन दिले.'