माउंट मौनगानुई :आयसीसी महिला विश्वचषक 2022 ( ICC Women World Cup 2022 ) च्या स्पर्धेत खेळणारी कर्णधार मिताली राजने रविवारी इतिहासाच्या पुस्तकात आपले नाव कोरले आहे. कट्टर प्रतिस्पर्धी पाकिस्तान विरुद्ध 2022 च्या विश्वचषक स्पर्धेत टीम इंडियाचे नेतृत्व करणारी मिताली, ICC महिला विश्वचषक स्पर्धेच्या सहा सत्रांमध्ये खेळणारी पहिली खेळाडू ठरली आहे.
माउंट मौनगानुई येथील बे ओव्हल येथे आयसीसी महिला विश्वचषकाच्या क्रमांक 4 मधील सामन्यात भारताने पारंपारिक प्रतिस्पर्धी पाकिस्तानशी सामना करताना मितालीने ऐतिहासिक कामगिरी केली. खेळाच्या इतिहासातील महान खेळाडूंपैकी एक, मितालीने 22 वर्षांपूर्वी प्रथमच शोपीस स्पर्धेत भाग घेतला होता. राज ही न्यूझीलंडने आयोजित केलेल्या विश्वचषकाचा 2000 च्या हंगाम खेळलेल्या भारतीय क्रिकेट संघाचा भाग होती.
दोन दशकांहून अधिक काळानंतर, टीम इंडियाचाी कर्णधार म्हणून राजने तिच्या विक्रमी सहाव्या विश्वचषक मोहिमेसाठी न्यूझीलंडला परतली. मितालीही मास्टर ब्लास्टर सचिन तेंडुलकरसोबत एलिट लिस्टमध्ये सामील झाली आहे. महान क्रिकेटपटू तेंडुलकरने टीम इंडियासाठी आपल्या कारकिर्दीत सहा विश्वचषक स्पर्धांमध्ये भाग घेतला होता. 2011 च्या मोसमात टीम इंडियाने विश्वचषक ट्रॉफी जिंकली होती. त्यानंतर तेंडुलकरचा शेवटचा विश्वचषक होता.
भारताचे प्रतिनिधित्व करण्याबद्दल बोलताना, भारतीय कर्णधार मिताली म्हणाली की तिची कारकीर्द पूर्ण वर्तुळात आली आहे. "न्यूझीलंडमध्ये 2000 च्या विश्वचषकानंतर मी खूप पुढे आली आहे. टायफॉइडमुळे मी तो विश्वचषक गमावला, पण मी आता येथे आहे."
मिताली अँड कंपनीला महिला मोसमात विश्वचषक विजेतेपदासाठी टीम इंडियाची प्रदीर्घ प्रतीक्षा संपुष्टात येईल, अशी आशा आहे. भारताने 50 षटकांच्या फॉरमॅटमध्ये कधीही महिला विश्वचषक जिंकलेला नाही. मिताली राजचा भारतीय संघ 2005 आणि 2017 मध्ये उपविजेता होता. अनुभवी फलंदाज मिताली ही महिला एकदिवसीय क्रिकेटच्या इतिहासातील दुसरी सर्वाधिक कॅप असलेली खेळाडू आहे.
