मुंबई - आयपीएलमध्ये मुंबई इंडियन्ससाठी खेळणारा ऑस्ट्रेलियाचा वेगवान गोलंदाज जेसन बेहरनडॉर्फ मायदेशी परतला आहे. विश्वचषकासाठीच्या ऑस्ट्रेलियन संघात जेसनची निवड झाल्याने त्याला घरी परतावे लागले आहे. २ मेपासूम ऑस्ट्रेलियात आगामी विश्वचषकासाठी निवडण्यात आलेल्या खेळाडूंच्या तयारीसाठी एका खास कँपची सुरुवात होणार आहे.
ऑस्ट्रेलियात जाण्यापूर्वी बेहरनडॉर्फने एक ट्विट केले आहे. त्यात तो म्हणाला, 'आयपीएलमध्ये खेळून खूप मजा आली. मुंबईचा संघ हा एक शानदार संघ असून, अशा संघासाठी खेळायला मिळणे हा एक वेगळाच अनुभव होता. आयपीएलमध्ये काहीच आठवड्यानंतर मुंबई फायनल खेळताना दिसेल, अशी मला आशा आहे, तोपर्यंत बाय बाय.'