कोलंबो - लंका प्रीमियर लीगच्या प्रतीक्षेत असलेल्या क्रिकेट चाहत्यांसाठी एक वाईट बातमी आहे. आंद्रे रसेल, फाफ डु प्लेसिस, डेव्हिड मिलर आणि डेव्हिड मलान या क्रिकेटपटूंनी एलपीएल लीगमधून माघार घेतली आहे. ही लीग २१ नोव्हेंबर ते १३ डिसेंबर अशी रंगणार आहे.
स्फोटक फलंदाज आंद्रे रसेल गुडघ्याच्या दुखापतीमुळे ही लीग खेळू शकणार नाही. तर, डु प्लेसिस, मिलर आणि मलान इंग्लंड आणि दक्षिण आफ्रिका यांच्यातील मालिकेत सहभागी होणार आहेत. त्यामुळे त्यांनी एलपीएलमधून माघार घेतली आहे. याशिवाय, यष्टीरक्षक फलंदाज मनविंदर बिस्लावनेही या स्पर्धेतून माघार घेतली आहे. बिस्लाने आयपीएलमध्ये ३५ सामने खेळले आहेत.