मुंबई -बॉलिवूड अभिनेता शाहिद कपूर लवकरच 'जर्सी' चित्रपटाच्या रिमेकमधून प्रेक्षकांच्या भेटीला येणार आहे. या चित्रपटात तो क्रिकेटरच्या भूमिकेत दिसणार आहे. बऱ्याच दिवसांपासून तो या चित्रपटाचे शूटिंग करत आहे. दरम्यान चंदीगढ येथे शूटिंगच्यावेळी तो जखमी झाला आहे. त्याच्या डोक्याला जबर मार बसला आहे.
क्रिकेटच्या शूटिंगदरम्यान शाहिदच्या डोक्याला चेंडू लागल्यामुळे तो जखमी झाला. त्याच्या डोक्याला टाकेही घालावे लागले आहेत. सध्या त्याला डॉक्टरांनी विश्रांती घ्यायला सांगितले आहे. ४ - ५ दिवसांच्या विश्रांतीनंतर तो पुन्हा चित्रपटाच्या शूटिंगसाठी सज्ज होईल.
हेही वाचा -आयफा पुरस्कार सोहळ्यात मध्यप्रदेश सरकार करणार दीपिकाचा सन्मान