जेरुसलेम :इस्राईलच्या ओल्ड सिटीमध्ये शनिवारी रात्री झालेल्या दंगलीत सुमारे ८० पॅलेस्टिनी नागरिक जखमी झाल्याची माहिती समोर आली आहे. यांपैकी १४ नागरिकांना रुग्णालयात भरती करण्यात आल्याचे प्रशासनाने स्पष्ट केले. पॅलेस्टिनी आंदोलकांनी सुरक्षा दलांवर काचेच्या बाटल्या आणि दगड फेकून मारले होते. त्यानंतर सुरक्षा दलांनी प्रत्युत्तर म्हणून स्टन ग्रेनेड आणि वॉटर कॅनन्सचा वापर केल्याची माहिती प्रशासनाने दिली.
अतिरेकी संघटनांच्या समर्थनार्थ घोषणाबाजी..
शनिवारी रात्री सुमारे ९० हजार पॅलेस्टिनी नागरिक लायलत अल-कद्र या प्रार्थनेसाठी टेम्पल माऊंटच्या ठिकाणी एकत्र आले होते. रमदानची ही सर्वात पवित्र रात्र समजली जाते. यावेळी कित्येक नागरिकांनी हमास या अतिरेकी संघटनेच्या समर्थनार्थ घोषणाबाजी केली. यात जेरुसलेमच्या मुद्द्यावरुन इस्राईलवर हल्ला करण्याच्या गोष्टीचाही उल्लेख होता.