मुंबई - बॉलिवूडचा सुपरस्टार शाहरुख खानचा खूप मोठा निष्ठावंत चाहतावर्ग आहे. त्याच्या वाढदिवसाच्या आणि ईदच्या दिवशी, त्याच्या मुंबईतील मन्नत या निवासस्थानाबाहेर चाहत्यांचा सागर पाहायला मिळतो. वर्षानुवर्षे ही मंडळी शाहरुखची एक झलक पाहण्यासाठी तासंतास ताटकळत उभी असतात. शहारुखलाही आपल्यावर प्रेम करणाऱ्या या लोकांसाठी कसे प्रेम जतन करायचे गे चांगलेच ठावूक आहे. अलिकडेच शाहरुख खान आपल्या कोलकात्यांतील एका चाहत्याशी संपर्क साधला. शाहरुखचा हा चाहती गेली अनेक वर्षांपासून टर्मिनल कॅन्सरशी झुंज देत आहे.
शाहरुखला भेटण्याची कॅन्सरग्रस्त शिवानी चक्रवर्तीची अखेरची इच्छा - अलीकडेच कोलकाता येथील आई आणि मुलगी जोडीचा एक व्हिडिओ सोशल मीडियावर व्हायरल झाला. क्लिपमध्ये शिवानी चक्रवर्ती नावाच्या कॅन्सर रुग्णाने किंग खानला भेटण्याची तिची शेवटची इच्छा असल्याचे व्यक्त केले. शिवानीची मुलगी प्रिया चक्रवर्तीने हा व्हिडिओ सोशल मीडियावर पोस्ट केला आहे आणि ट्विटरवर शाहरुखला आणि त्याच्या टीमला टॅगही केले आहे. प्रियाच्या ट्विटवर जेव्हा किंग खानला हा व्हिडिओ आढळला तेव्हा त्याने शिवानीला व्हिडिओ कॉल करून तिची शेवटची इच्छा पूर्ण केली.