अबब...! चित्रपटगृहाजवळच आढळला भलामोठा साप

भलामोठा साप सिनेमाचा शो सुटण्याआधीच पकडल्याने येथील कामगारांनी सुटकेचा निश्वास घेतला. हा साप धामण जातीचा असून साडेसात फुटाचा आहे. वन विभागाच्या अधिकाऱ्यांची परवानगी घेऊन हा साप जंगलात सोडणार असल्याची माहिती सर्पमित्र हितेश याने दिली.

ठाणे- एकीकडे चित्रपटगृहात सिनेमा सुरू असतानाच दुसरीकडे सर्पमित्राने भलामोठा साप चित्रपटगृहात शिरण्याआधीच पकडला. त्यामुळे प्रेक्षकांमधील गोंधळ टळला असून ही घटना कल्याण पश्चिम येथील असलेल्या भानू - सागर चित्रपटगृहाच्या मागील आवारात घडली आहे.

हेही वाचा -'सरकारी यंत्रणा वापरून आमदार फोडाफोडी सुरू'

परतीच्या पावसामुळे गेल्या महिन्याभरापासून भक्ष्य शोधण्यासाठी विषारी - बिन विषारी साप मानवी वस्तीत शिरल्याच्या ५० ते ६० घटना समोर आल्या आहेत. भलामोठा साप आज दुपारच्या सुमाराला कल्याण पश्चिमेकडील असलेल्या भानू - सागर चित्रपटगृहाच्या मागील आवारात येथील कामगारांना दिसला. हा साप चित्रपटगृहालगतच्या भिंतीचा आसरा घेत चित्रपटगृहात शिरण्याचा प्रयत्न करत होता. त्यावेळी येथील कामगारांनी त्याला हुसकावून लावत वार संस्थेचे सर्पमित्र हितेश करंजावडकर यांच्याशी संपर्क करून साप चित्रपटगृहात शिरत असल्याची माहिती दिली. माहिती मिळताच सर्पमित्र हितेशने काही वेळातच घटनास्थळी येऊन सापाला सर्पमित्र आदित्य शिंदे यांच्या मदतीने पकडण्यात आले.

दरम्यान, भलामोठा साप सिनेमाचा शो सुटण्याआधीच पकडल्याने येथील कामगारांनी सुटकेचा निश्वास घेतला. हा साप धामण जातीचा असून साडेसात फुटाचा आहे. वन विभागाच्या अधिकाऱ्यांची परवानगी घेऊन हा साप जंगलात सोडणार असल्याची माहिती सर्पमित्र हितेश याने दिली.