पुणे: (Pune) वारजे, एनडीए रस्ता परिसरात दहशत माजविणारा गुंड गणेश उर्फ शिऱ्या वाघमारे याच्यासह साथीदारांच्या विरोधात, पोलीस आयुक्त अमिताभ गुप्ता यांनी कारवाई करण्याचे आदेश दिले. या गुंडांवर(Maharashtra Control of Organized Crime Act) महाराष्ट्र संघटित गुन्हेगारी नियंत्रण कायद्यान्वये (मोक्का) (Mokka action against gangster gang) कारवाई करण्याचे आदेश देण्यात आले आहे.
गणेश उर्फ शिऱ्या वाघमारे (वय २१), सचिन शंकर दळवी (वय २३), सुरज राजू मारूडा (वय २१), रखमाजी परमेश्वर जाधव (वय १९), प्रतीक संजय नलावडे (वय २१), समीर नरहरी कांबळे (वय १८) अशी मोक्का कारवाई केलेल्या गुंडांची नावे आहेत. वाघमारे आणि साथीदारांनी वारजे, उत्तमनगर भागात दहशत माजविली होती. या टोळीच्या विरोधात खुनाचा प्रयत्न व लूट करणे, असे गंभीर स्वरुपाचे गुन्हे दाखल आहेत.