पुणे- राज्यात कोरोनाचा संसर्ग झपाट्याने वाढत असून कोरोनाच्या रुग्णसंख्येत दिवसेंदिवस वाढ होत आहे. याचा सर्वाधिक ताण आरोग्य आणि प्रशासकीय यंत्रणेवर पडत आहे. कोरोनाचा वाढता संसर्ग रोखण्यासाठी संपूर्ण राज्यात संचारबंदी लागू करण्यात आली. परंतू असे असले तरी नागरिकांना मात्र कोरोना प्रतिबंधक नियमांचा विसर पडल्याचे चित्र दिसून येत आहे. रस्त्यावर विनाकारण फिरणाऱ्या लोकांना पोलीस कोरोनाचे गांभीर्य समजावून सांगताना आपले कर्तव्य पार पाडत आहेत.
कोरोना योद्धा: ड्युटी फर्स्ट! नऊ महिन्याच्या बाळाला घरात ठेऊन महिला पोलीस कर्तव्यावर हजर
पुणे पोलीस दलात पोलीस नाईक असलेल्या निर्मला पडघमकर या कोरोनाचा प्रकोप पाहता 9 महिन्याच्या बाळाला घरात ठेवून कर्तव्यासाठी रस्त्यावर उतरल्या आहेत. कोरोनाचा धोका पाहता राज्य सरकारने पुण्यात कडक निर्बंध लागू केले आहेत. अशा परिस्थितीत घरी तान्हे बाळ असतानाही आराम करण्याऐवजी त्या कडक उन्हात कर्तव्य बजावत आहेत.
निर्मला पडघमकर
पुणे पोलीस दलात पोलीस नाईक असलेल्या निर्मला पडघमकर या कोरोनाचा प्रकोप पाहता 9 महिन्याच्या बाळाला घरात ठेवून कर्तव्यासाठी रस्त्यावर उतरल्या आहेत. कोरोनाचा धोका पाहता राज्य सरकारने पुण्यात कडक निर्बंध लागू केले आहेत. अशा परिस्थितीत घरी तान्हे बाळ असतानाही आराम करण्याऐवजी त्या कडक उन्हात कर्तव्य बजावत आहेत.