नागपूर- गेल्या 24 तासात नागपूर येथे तब्बल 95 कोरोना संशयितांचा अहवाल पॉझिटिव्ह आल्याने खळबळ उडाली आहे. त्यामुळे नागपुरातील कोरोनाबधितांची एकूण संख्या 1 हजार 266 झाली आहे. नागपुरात कोरोनाचा प्रवेश झाल्यापासून हा सर्वात मोठा आकडा आहे. यापैकी 32 कोरोना पॉझिटिव्ह संशयित्यांचा अवहाल काल रात्री उशिरा आला होता, तर आज दिवसभरात तब्बल 61 रुग्णांची भर पडलेली आहे.
या संपूर्ण आठवड्यात कोरोनाबाधित रुग्ण पुढे येण्याचे प्रमाण कमी होऊन कोरोना रुग्ण बरे होण्याची टक्केवारी वाढली होती. मात्र, 24 तासात नव्याने कोरोनाचे 95 रुग्ण वाढल्याने धोका अजूनही कमी झाला नसल्याचे अधोरेखित झाले आहे.