പത്തനംതിട്ട : റാന്നി ആങ്ങാമൂഴിയിലെ ജനവാസ മേഖലയിൽ നിന്നും പരിക്കേറ്റ് അവശനിലയിൽ ഇന്നലെ പിടികൂടിയ പുലി ചത്തു. ഇന്ന് പുലർച്ചെയാണ് ആറ് മാസം മാത്രം പ്രായമുള്ള പുലി ചത്തത്. മുള്ളൻ പന്നിയുടെ അക്രമണത്തിലാണ് പുലിക്ക് പരിക്കേറ്റതെന്നാണ് നിഗമനം. ഇന്നലെ നടത്തിയ ശസ്ത്രക്രിയയിൽ പുലിയുടെ കൈയില് നിന്നും മുള്ള് പുറത്തെടുത്തിരുന്നു.
മുള്ളുതറച്ച ഭാഗം പഴുത്ത് നീര് കെട്ടിയ നിലയിലായിരുന്നു. ഇന്നലെ കൊല്ലത്ത് നടത്തിയ ശസ്ത്രക്രിയയ്ക്ക് ശേഷം പുലിയെ കോന്നിയിലേക്ക് മാറ്റി. ഇന്ന് ഉച്ചയ്ക്ക് ശേഷം വനം വകുപ്പിന്റെ പ്രത്യേക സംഘം പുലിയുടെ പോസ്റ്റ് മോർട്ടം നടത്തും.