എം.സി ഖമറുദ്ദീന് പാണക്കാട്ട് സ്വീകരണം നല്‍കി

പാണക്കാട് ഹൈദരലി ശിഹാബ് തങ്ങളുടെ നേതൃത്വത്തിൽ വൻ സ്വീകരണമാണ് മഞ്ചേശ്വരത്ത് വിജയിച്ച യുഡിഎഫ് സ്ഥാനാർഥി എം.സി ഖമറുദ്ദീന് ലഭിച്ചത്.

മലപ്പുറം: മഞ്ചേശ്വരത്ത് വിജയിച്ച യുഡിഎഫ് സ്ഥാനാർഥി എം.സി ഖമറുദ്ദീൻ പാണക്കാട് ഹൈദരലി ശിഹാബ് തങ്ങളെ സന്ദർശിച്ചു. പാണക്കാട് തങ്ങളിൽ നിന്നും അനുഗ്രഹം വാങ്ങാനെത്തിയ ഖമറുദ്ദീന് വൻ സ്വീകരണമാണ് ലഭിച്ചത്.
മഞ്ചേശ്വരത്ത് ബിജെപിയുടെ അധ്യായം അവസാനിച്ചുവെന്നും ജനങ്ങൾ ബിജെപിക്ക് നൽകിയ താക്കീതാണ് തെരഞ്ഞെടുപ്പ് ഫലമെന്നും ഖമറുദ്ദീൻ പറഞ്ഞു. ലീഗ് നേതാക്കളായ പി.കെ കുഞ്ഞാലിക്കുട്ടി, പി.വി അബ്‌ദുൽ വഹാബ്, കെ.പി.എ മജീദ്, ലീഗ് എംഎൽഎമാർ എന്നിവർ എം.സി ഖമറുദ്ദീനെ സ്വീകരിക്കാൻ എത്തിയിരുന്നു.