കണ്ണൂര്: കൂടത്തായി കൊലപാതക പരമ്പര പോലുള്ള സംഭവങ്ങൾ കൂടിവരുന്നതിനാല് ഇത്തരം തടവുകാരുടെ സംരക്ഷണം ജയിലധികൃതരുടെ ഉത്തരവാദിത്വമാണെന്ന് ജയിൽ ഡിജിപി ഋഷിരാജ് സിംഗ്. കണ്ണൂർ തലശ്ശേരിയിൽ സമാനമായ സംഭവം ഉണ്ടായപ്പോൾ പ്രതി സൗമ്യയുടെ ആത്മഹത്യ ചെയ്തത് ഗുരുതരമായ വീഴ്ചയായിരുന്നുവെന്നും അദ്ദേഹം പറഞ്ഞു. തടവുകാരെ ജയിലുകളില് പ്രദർശന വസ്തുവാക്കരുത്. ജയിൽ ടൂറിസ്റ്റ് കേന്ദ്രം അല്ല. ജയിലിൽ എത്തുന്നവർ പ്രത്യേക സാഹചര്യങ്ങളിൽ നിന്ന് വരുന്നവരാണെന്നും ഋഷിരാജ് സിംഗ് കൂട്ടിച്ചേര്ത്തു.