ഇടുക്കി: കനത്ത മഴയെ തുടര്ന്ന് മുല്ലപ്പെരിയാർ അണക്കെട്ടില് ജലനിരപ്പ് 136 അടിയായി ഉയര്ന്നു. 142 അടിയാണ് അനുവദനീയമായ പരമാവധി ജലനിരപ്പ്. മഴ കുറഞ്ഞതിനാൽ ആശങ്കപ്പെടേണ്ട സഹചര്യമില്ലെന്ന് ജില്ല ഭരണകൂടം അറിയിച്ചു.
കഴിഞ്ഞ ഒരാഴ്ചയായി തുടരുന്ന കനത്ത മഴയിലാണ് മുല്ലപ്പെരിയാർ ജലനിരപ്പ് അതിവേഗം ഉയർന്നത്. മൂന്ന് ദിവസത്തിനിടെ ഏഴ് അടിയോളമാണ് ജലനിരപ്പ് ഉയര്ന്നത്. സെക്കൻഡില് 3,631 ഘനയടി വെള്ളം അണക്കെട്ടിലേയ്ക്ക് ഒഴുകിയെത്തുന്നുണ്ട്. തമിഴ്നാട് കൊണ്ടു പോകുന്ന വെള്ളത്തിന്റെ അളവും വർധിപ്പിച്ചു.
സെക്കൻഡില് 1,867 ഘനയടി വെള്ളം ഇപ്പോൾ ഡാമിൽ നിന്ന് തമിഴ്നാട് കൊണ്ടുപോകുന്നുണ്ട്. കൂടുതൽ വെള്ളം എടുക്കണമെന്നാവശ്യപ്പെട്ട് ജലവിഭവ വകുപ്പ് മന്ത്രി റോഷി അഗസ്റ്റിൻ തമിഴ്നാട് മുഖ്യമന്ത്രിക്ക് കത്തയച്ചു.