സാൻജോസ് (കോസ്റ്റാറിക്ക) : കോസ്റ്ററിക്കയോട് തോറ്റിട്ടും യു.എസ്.എ ഖത്തർ ലോകകപ്പിന് യോഗ്യത നേടി. ആവേശകരമായ മത്സരത്തിൽ ഏകപക്ഷീയമായ രണ്ടു ഗോളുകൾക്കാണ് കോസ്റ്ററിക്ക യു.എസ്.എയെ വീഴ്ത്തിയത്. മറ്റൊരു മത്സരത്തിൽ എൽ സാൽവദോറിനെ ഏകപക്ഷീയമായ രണ്ടു ഗോളുകൾക്ക് തോൽപ്പിച്ച് മെക്സിക്കോയും കോൺകകാഫ് മേഖലയിൽ നിന്ന് ലോകകപ്പ് യോഗ്യത ഉറപ്പാക്കി.
കോൺകാഫ് യോഗ്യത റൗണ്ടിൽ ഒന്നാം സ്ഥാനക്കാരായി കാനഡ നേരത്തേ തന്നെ ഖത്തറിലേക്കുള്ള ടിക്കറ്റ് ഉറപ്പിച്ചിരുന്നു. മെക്സിക്കോയ്ക്കും കാനഡയ്ക്കും 28 പോയിന്റ് വീതമാണെങ്കിലും ഗോൾ ശരാശരിയിൽ മെക്സിക്കോ രണ്ടാം സ്ഥാനക്കാരായി. 1994 മുതൽ എല്ലാ ലോകകപ്പുകളിലും സ്ഥിരസാന്നിധ്യമാണ് മെക്സിക്കോ.