പശ്ചിമ ബംഗാളില്‍ പൊള്ളലേറ്റ നിലയില്‍ യുവതിയുടെ മൃതദേഹം

മാള്‍ഡ ജില്ലയിലെ ധന്താല - ചക്ലമോർ പ്രദേശത്താണ് സംഭവം. മരിച്ച സ്‌ത്രീയെ തിരിച്ചറിയാനായിട്ടില്ല.

മാള്‍ഡ:പശ്‌ചിമ ബംഗാളില്‍ സ്‌ത്രീയെ ശാരീരികമായി ഉപദ്രവിച്ചശേഷം തീകൊളുത്തി. മാള്‍ഡ ജില്ലയിലെ ഇംഗ്ലീഷ് ബസാർ പൊലീസ് സ്റ്റേഷന്‍റെ അധികാരപരിധിയിലുള്ള ധന്താല - ചക്ലമോർ പ്രദേശത്താണ് സംഭവം. നാട്ടുകാരാണ് ഒരു മാവിന്‍ തോട്ടത്തില്‍ പൊള്ളലേറ്റ നിലയില്‍ സ്‌ത്രീയുടെ മൃതദേഹം കണ്ടെത്തിയത്. തുടര്‍ന്ന് ഇവര്‍ പൊലീസിനെ വിവരമറിയിക്കുകയായിരുന്നു.

യുവതിയെ ശാരീരികമായ ഉപദ്രവിച്ചശേഷം കത്തിച്ചതാണെന്ന് നാട്ടുകാര്‍ ആരോപിച്ചു. അതേസമയം മരിച്ച സ്‌ത്രീയെ തിരിച്ചറിയാനായിട്ടില്ലെന്ന് പൊലീസ് അറിയിച്ചു. മൃതദേഹം പോസ്‌റ്റ്മോര്‍ട്ടത്തിനയച്ചു.