അനധികൃത കുടിയേറ്റക്കാർ ഗുജറാത്തിൽ പിടിയില്‍
പിടിയിലായവർക്ക് ഇന്ത്യൻ പൗരനെന്ന് തെളിയിക്കുന്ന രേഖകൾ ഹാജരാക്കാനായിട്ടില്ലെന്നും എന്തെങ്കിലും ക്രിമിനൽ പ്രവർത്തനങ്ങളിൽ ഏർപ്പെട്ടിട്ടുണ്ടോയെന്ന് അന്വേഷിക്കുന്നുണ്ടെന്നും ഉയർന്ന പൊലീസ് ഉദ്യോഗസ്ഥൻ
11 അനധികൃത ബംഗ്ലാദേശ് കുടിയേറ്റക്കാരെ ഗുജറാത്തിൽ കസ്റ്റഡിയിലെടുത്തു
ഗാന്ധിനഗർ:അനധികൃതമായി അഹമ്മദാബാദ് നഗരത്തിൽ താമസിച്ചിരുന്ന ബംഗ്ലാദേശ് പൗരന്മാരെ ശനിയാഴ്‌ച്ച കസ്റ്റഡിയിലെടുത്തു. ഇഷാൻപൂരിലെ ചന്ദോള തടാകത്തിന് സമീപമുള്ള കെട്ടിടത്തിൽ നിന്ന് 11 പേരെയാണ് കസ്‌റ്റഡിയിലെടുത്തത്. ഗുജറാത്ത് പൊലീസിന്‍റെ സ്‌പെഷ്യൽ ഓപ്പറേഷൻ ഗ്രൂപ്പാണ് ഇക്കാര്യം വ്യക്തമാക്കിയത്. ഇവരെ ബംഗ്ലാദേശിലേക്ക് തന്നെ കടത്തിവിടാനുള്ള നടപടികൾ ആരംഭിക്കുമെന്ന് എസ് ഒ ജി അസിസ്റ്റന്‍റ് പൊലീസ് കമ്മീഷണർ ബി സി സോളങ്കി പറഞ്ഞു. ഇന്ത്യൻ ദേശീയത തെളിയിക്കുന്ന രേഖകൾ നൽകുന്നതിൽ ഇവർ പരാജയപ്പെട്ടുവെന്നും എന്തെങ്കിലും ക്രിമിനൽ പ്രവർത്തനങ്ങളിൽ ഏർപ്പെട്ടിട്ടുണ്ടോയെന്ന് അന്വേഷിക്കുന്നുണ്ടെന്നും അദ്ദേഹം കൂട്ടിച്ചേർത്തു.