ന്യൂഡല്‍ഹി: കൊവിഡ് ബൂസ്റ്റര് ഡോസിന്‍റെ മൂന്നാംഘട്ട പരീക്ഷണത്തിന് അനുമതി നല്‍കി ഡ്രഗ് കണ്‍ട്രോള്‍ ജനറല്‍ ഓഫ് ഇന്ത്യ (ഡിസിജിഐ). ഭാരത് ബയോടെക്കിന്‍റെ കൊവിഡ് ബൂസ്റ്റര് ഇന്‍ട്രാ നാസല്‍ വാക്‌സിന്‍റെ തുടര്‍ പരീക്ഷണത്തിനാണ് അനുമതി ലഭിച്ചത്. ഡിസിജിഐയുടെ വിദഗ്‌ധ സമിതിയാണ് അനുമതി നല്‍കിയത്.
കൊവിഡ് സാഹചര്യം മുന്‍നിര്‍ത്തി ഫേസ് 3 സുപ്പീരിയോറിറ്റി പഠനവും ഫേസ് 3 ബൂസ്റ്റർ ഡോസ് പഠനവും സമാന്തരമായി നടത്താൻ ഭാരത് ബയോടെക്കിന് അനുമതി നല്‍കിയെന്ന് വിദഗ്‌ധ സമിതി വ്യക്തമാക്കി. പരീക്ഷണത്തിനായുള്ള പുതുക്കിയ മാനദണ്ഡം സമര്‍പ്പിക്കാന്‍ ഹൈദരാബാദ് ആസ്ഥാനമായുള്ള വാക്സിന് നിര്‍മാണ കമ്പനിയോട് സമിതി ആവശ്യപ്പെട്ടു.