ಕಾರವಾರ: ಹೆಬ್ಬಾವಿಗೆ ಹೊಡೆದ ಗುಂಡು ಮರಳಿ ತಗುಲಿ ಯುವಕ ಸಾವು, ಪೊಲೀಸರಿಂದ ವಿಚಾರಣೆ

ಕಾರವಾರ: ನಾಡ ಬಂದೂಕಿನ ಗುಂಡು ತಗುಲಿ ಯುವಕನೋರ್ವ ಸಾವನ್ನಪ್ಪಿರುವ ಘಟನೆ ಕುಮಟಾದ ಕತಗಾಲ‌ ಗ್ರಾಮದಲ್ಲಿ‌ ನಡೆದಿದ್ದು, ಇದೀಗ ಬಂದೂಕಿನ ಮಾಲಕನನ್ನು ವಶಕ್ಕೆ ಪಡೆದು ವಿಚಾರಣೆಗೊಳಪಡಿಸಲಾಗುತ್ತಿದೆ. ಕುಮಟಾ ತಾಲೂಕು ಕತಗಾಲದ ಪ್ರಥಮ ಸುಬ್ಬು ನಾಯ್ಕ(28) ಮೃತ ಯುವಕ.

ರಾತ್ರಿ ವೇಳೆ ಕೋಳಿ ಫಾರ್ಮಗೆ ಬಂದ ಹಾವು ಹೊಡೆಯಲು ಹೋಗಿದ್ದ ವೇಳೆ ಆತನೇ ಹೊಡೆದ ಬಂದೂಕಿನ ಗುಂಡು ತಗುಲಿ ಮೃತಪಟ್ಟಿದ್ದಾನೆ ಎಂಬ ಮಾಹಿತಿ ಇದೆ.

ಸ್ಥಳಕ್ಕೆ ತೆರಳಿ ಪರಿಶೀಲನೆ ನಡೆಸಿದ ಪೊಲೀಸರು, ಬಂದೂಕಿನ‌ ಮಾಲಕನನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ. ಕುಮಟಾ ಪೊಲೀಸ್‌ ಠಾಣೆಯಲ್ಲಿ ಈ ಬಗ್ಗೆ ಪ್ರಕರಣ ದಾಖಲಿಸಲಾಗಿದೆ.

ಇದನ್ನೂ ಓದಿ:ಶಿವಮೊಗ್ಗ: ಬಂಧಿಸಲು ಹೋದ ಪೊಲೀಸರ​ ಮೇಲೆ ದಾಳಿ; ಆರೋಪಿ ಕಾಲಿಗೆ ಗುಂಡೇಟು - Shivamogga Police Shootout