ಫೈನಲ್​ನಲ್ಲಿ ಕೊಹ್ಲಿ ಫಾರ್ಮಗೆ ಬರ್ತಾರೆ, ಕಪ್ ಗೆದ್ದೇ ಗೆಲ್ತೀವಿ: ಟೀಂ ಇಂಡಿಯಾಕ್ಕೆ ಚಿಣ್ಣರು, ಯುವಕರಿಂದ ಶುಭ ಹಾರೈಕೆ - state youths wishes to team india - STATE YOUTHS WISHES TO TEAM INDIA

ಬೆಂಗಳೂರು: ಟಿ-20 ವಿಶ್ವಕಪ್​ನಲ್ಲಿ ಅಜೇಯವಾಗಿ ಫೈನಲ್​ಗೆ ತಲುಪಿರುವ ಭಾರತ ಅಂತಿಮ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾವನ್ನು ಮಣಿಸಿ ಕಪ್​​ ಗೆಲ್ಲಲಿ ಎಂದು ರಾಜ್ಯದ ಯುವಕರು ಶುಭ ಕೋರಿದ್ದಾರೆ. ಶಾಲಾ - ಕಾಲೇಜುಗಳಲ್ಲಿ ಭಾರತದ ಧ್ವಜ ಹಿಡಿದು ಟೀಂ ಇಂಡಿಯಾಗೆ ವಿಶ್ ಮಾಡಲಾಗಿದೆ‌. ಜೊತೆಗೆ ದೇವಾಸ್ಥಾನಗಳಲ್ಲಿ ಭಾರತದ ಗೆಲುವಿಗಾಗಿ ಕ್ರಿಕೆಟ್ ಪ್ರೇಮಿಗಳು ವಿಶೇಷ ಪೂಜೆ ಸಲ್ಲಿಸಿ ಟ್ರೋಫಿ ಗೆಲ್ಲಲ್ಲಿ ಎಂದು ಹಾರೈಸಿದ್ದಾರೆ.

ದಾವಣಗೆರೆ ಯುವಕರು ಮಾತನಾಡಿ, ಈ ಸಲ ಕಪ್​ ನಮ್ದೆ, ಬ್ಯಾಟಿಂಗ್​ ವಿಭಾಗದಲ್ಲೂ ಭಾರತ ಬಲಿಷ್ಠವಾಗಿದೆ. ಕೊಹ್ಲಿ ಫಾರ್ಮ್​ಗೆ ಬಂದರೆ ಇನ್ನೂ ಹೆಚ್ಚಿನ ರನ್​​ಗಳು ಬರಬಹುದಾಗಿದೆ. ಇಂದಿನ ಪಂದ್ಯದಲ್ಲಿ ಕೊಹ್ಲಿ ಶತಕ ಬಾರಿಸಲಿ ಭಾರತ ಗೆಲ್ಲಲಿ ಎಂದು ಶುಭ ಕೋರಿದರು. ದಾವಣಗೆರೆ ಕ್ರಿಕೆಟ್ ಅಕಾಡೆಮಿ ಕೋಚ್​ ತಿಮ್ಮೇಶ್​ ಮಾತನಾಡಿ,​ ಈ ಸಲ ಕಪ್​ ನಮ್ದೆ, ಬ್ಯಾಟಿಂಗ್​ ವಿಭಾಗದಲ್ಲೂ ಭಾರತ ಬಲಿಷ್ಠವಾಗಿದೆ. ಕೊಹ್ಲಿ ಫಾರ್ಮ್​ಗೆ ಬಂದ್ರೆ ಇನ್ನೂ ಹೆಚ್ಚಿನ ರನ್​ ನಿರೀಕ್ಷಿಸಬಹುದು ಎಂದು ಶುಭ ಕೋರಿದರು.

ಮಂಗಳೂರಿನ ಯುವಕರು ಮಾತನಾಡಿ, ಇಂದಿನ ಫೈನಲ್​ ಪಂದ್ಯದಲ್ಲಿ ವಿರಾಟ್​ ಕೊಹ್ಲಿ ಉತ್ತಮ ಬ್ಯಾಟಿಂಗ್​ ಪ್ರದರ್ಶನ ತೋರಲಿದ್ದಾರೆ. ಉತ್ತಮವಾದ ತಂಡ ಗೆಲುವು ಸಾಧಿಸಲಿದೆ ಎಂದು ತಿಳಿಸಿದ್ದಾರೆ.  

ಮೈಸೂರಿನಿಂದಲೂ ಶುಭಕೋರಿರುವ ಯುವಕರು, ಟೀಂ ಇಂಡಿಯಾ ಅತ್ಯುತ್ತಮ ಫಾರ್ಮನಲ್ಲಿದೆ. ಅದರಲ್ಲೂ ರೋಹಿತ್​ ಶರ್ಮಾ ಭರ್ಜರಿ ಬ್ಯಾಟಿಂಗ್​ ಪ್ರದರ್ಶನ ತೋರುತ್ತಿದ್ದಾರೆ. ಉಳಿದಂತೆ ಬೌಲಿಂಗ್​ ಮತ್ತು ಬ್ಯಾಟಿಂಗ್​ ವಿಭಾಗದಲ್ಲಿ ದಕ್ಷಿಣ ಆಫ್ರಿಕಾಕ್ಕಿಂತಲೂ ಭಾರತ ಬಲಿಷ್ಠವಾಗಿದೆ ಹಾಗಾಗಿ ಈ ಬಾರಿ ಭಾರತ ಕಪ್​ನೊಂದಿಗೆ ಮರಳಲಿ ಎಂದು ಹಾರೈಸಿದ್ದಾರೆ. 

ಚಾಮರಾಜನಗರದ ಯುವಕರು ಈಟಿವಿ ಭಾರತದೊಂದಿಗೆ ಮಾತನಾಡಿ, 10 ವರ್ಷಗಳ ಬಳಿಕ ಟೀಂ ಇಂಡಿಯಾ ಟಿ20 ಫೈನಲ್​ಗೆ ಪ್ರವೇಶ ಮಾಡಿದೆ. ಈ ಬಾರಿ ಭಾರತ ಎಲ್ಲ ವಿಭಾಗದಲ್ಲೂ ಬಲಿಷ್ಠವಾಗಿದ್ದು ಕಪ್​ ಗೆಲ್ಲಲಿದೆ. ವಿಶ್ವಕಪ್​ ಗೆದ್ದ ಬಾ ಇಂಡಿಯಾ ಎಂದು ಶುಭ ಕೋರಿದ್ದಾರೆ.

ಬೆಳಗಾವಿಯ ಕ್ರಿಕೆಟ್​ ಅಭಿಮಾನಿಗಳು ಮಾತನಾಡಿ, ಭಾರತ ಮತ್ತು ದಕ್ಷಿಣ ಆಫ್ರಿಕಾ ಎರಡು ಬಲಿಷ್ಠ ತಂಡಗಳು. ಹಾಗಾಗಿ, ವಿರಾಟ್ ಕೊಹ್ಲಿ ಉತ್ತಮವಾಗಿ ಆಡಬೇಕು. ಅವರು ಸೆಂಚೂರಿ, ಹಾಫ್ ಸೆಂಚೂರಿ ಹೊಡೆದರೆ ತಂಡದ ಮೊತ್ತ 200ರ ಗಡಿ ದಾಟುತ್ತದೆ. ಅದೇ ರೀತಿ ರೋಹಿತ್ ಶರ್ಮಾ, ಹಾರ್ದಿಕ್​ ಪಾಂಡ್ಯಾ, ಸೂರ್ಯಕುಮಾರ ಯಾದವ್​ ಕೂಡ ಸಾಥ್ ಕೊಟ್ಟು, ಎಲ್ಲಾ ಬೌಲರ್​ಗಳು ಬೇಗನೇ ವಿಕೆಟ್ ತೆಗೆದರೆ ಖಂಡಿತವಾಗಲೂ ಭಾರತ ಗೆಲ್ಲುತ್ತದೆ ಎಂದು ಅಭಿಪ್ರಾಪಟ್ಟರು. 

ಇದನ್ನೂ ಓದಿ: ವಿಂಡೀಸ್, ಇಂಗ್ಲೆಂಡ್ ಬಳಿಕ ಭಾರತಕ್ಕೆ 2ನೇ ಬಾರಿ T-20 ವಿಶ್ವ ಚಾಂಪಿಯನ್‌ ಆಗುವ ಅವಕಾಶ - T20 world champion